भांगरभूंय | प्रतिनिधी
कोंकणींत पीपल्स हायस्कूल, मराठींत शिक्षा सदन तर इंग्लिशींत मुश्ठीफंड पयलें
पणजी: कला अकादमीन फोंडेंच्या राजीव गांधी कलामंदिरांत घेतिल्ले विद्यालय पांवड्यावेले एकांकिका सर्तीचो निकाल जाहीर जाला. पीपल्स हायस्कूल, मळा-पणजी हांच्या ‘परतून फुटुंदी आंकूर’ (कोंकणी), शिक्षा सदन, प्रियोळ- फोंडें हांणी सादर केल्ल्या ‘आरंभ’ (मराठी) आनी मुष्ठीफंड हायस्कूल, कुजीरा, बांबोळे हांच्या ‘मिसिंग अ फादर’ (इंग्लीश) ह्या एकांकीकेक त्या- त्या विभागांत पयलें इनाम फावो जालें.
कोंकणी विभागांत वागळे हायस्कूल, मंगेशी-फोंडें हांच्या ‘साळकांतलो जादुगार’ हे एकांकीकेक दुसरें आनी मुष्टीफंड हायस्कूल, कुजीरा, बांबोळे – तिसवाडी हांच्या ‘उरुभंग’ हे एकांकिकेक तिसरें इनाम फावो जालें. आर. एस. एस. हायस्कूल, वळवय, सावयवेरें हांणी सादर केल्ल्या ‘इनसायड आऊट’ आनी जी. व्ही. एमस् राजमाता पद्मावती राजे सौंदेकर, हायस्कूल, बांदोडा – फोंडें हांणी सादर केल्ले ‘रंग रंग रंगले’ हे एकांकिकेक उमेद वाडोवपी इनाम फावो जालें.
उत्कृष्ट अभिनय दादलो गटांत: अशोक कारंडे हाका पयलें आनी दुसरें इनाम वंश नायक हाका फावो जालें. जाल्यार चंद्रकांत नायक, श्रीराज नायक, वंश जल्मी, मनोहर मोरजकार, दिशांत गावडे, साईनेश नायक, विघ्नेश परब, युवराज नायक, वरद चोडणकार आनी श्रेयस भट हांकां अभिनया खातीर गुणवत्तापत्रा फावो जालीं.
उत्कृश्ट अभिनय बायलांच्या गटांत: शुभ्रा नायक हाका पयलें, जाल्यार भार्गवी शेट वेरेंकार हाका दुसरें इनाम फावो जालें. तशेंच अनुश्री वळवयकार, हिरल गावडे, श्रीनिधी नायक, अहना कामत, अंतरा कामत, हौशी नायक, दिया गांवस, श्रीनिका नायक, अनुष्का पवार, प्रियंका परब हांकां अभिनया खातीर गुणवत्तापत्रां फावो जालीं.
मराठी विभाग
मराठी विभागांत पीपल्स हायस्कूल, मळा – पणजी हांणी सादर केल्ल्या ‘ऐन आषाढात, पंढरपूरात’ हे एकांकीक दुसरें, जाल्यार मुष्टीफंड हायस्कूल, कुजीरा, बांबोळी – तिसवाडी हांणी सादर केल्ल्या ‘मला जगायचय’ हे एकांकीक तिसरें इनाम फावो जालें. वागळे हायस्कूल, मंगेशी-फोंडें हांणी सादर केल्ल्या ‘केवळ एक योगायोग’ हे एकांकीकेक उमेद वाडोवपी इनाम फावो जालें.
उत्कृश्ट अभिनय दादलो गट: ईशान देसाय हाका पयलें आनी दुसरें इनाम श्लोक गावडे हाका फावो जालें. विवान कामत, समर्थ म्हापणकार, अथर्व खरात, चैतन्य नायक, चिन्मय भिडे, तेजस केळकार आनी सोहन तारी हांका गुणवत्तापत्र मेळ्ळीं.
बायलांच्या गटांत उत्कृश्ट अभिनय: साक्षी सावंत हाका पयलें आनी दुसरें इनाम उर्जा देसाय हाका फावो जालें. समिरा नायक, चैताली परब, पुर्वी देशपांडे, स्पृहा ढवळीकार,गार्गी मांद्रेंकार, श्रेयसी महालकार आनी रिद्धी संगाळे हांकां गुणवत्तापत्र मेळ्ळीं.
इंग्लीश विभाग
इंग्लीश विभागांतल्या सारस्वत विद्यालय, खोर्ली, म्हापशें हांणी सादर केल्ल्या ‘अनसीन अर्थ’ हे एकांकिकेक दुसरें इनाम मेळ्ळें.
उत्कृश्ट अभिनय दादलो गटांत: पयलें इनाम शुभम सारंग हाका आनी दुसरें देवांश आचार्य हाका मेळ्ळें.
बायलां गटांत उत्कृश्ट अभिनय: पयलें इनाम एन मॅरी जॉर्ज आनी अंशिका चव्हाण हाका दुसरें इनाम फावो जालें. पलक दुबे हाका अभिनया खातीर गुणवत्ता पत्रक मेळ्ळें.
सर्तीचें परीक्षण वासुदेव चोपडेंकार, उमेश फडते आनी सिमा बर्वे हांणी केलें.
विद्यालयीन, उच्च माध्यमीक आनी महाविद्यालयीन एकांकी सर्तीचो इनामां भेटवण सुवाळो एकेच दीस जातलो. ताची तारीख रोखडीच जाहीर करतले, अशें कला अकादमीन कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
