भांगरभूंय | प्रतिनिधी
कठुआ, खबरां संस्था: जम्मू- काश्मीरांतल्या कठुआच्या एका निवृत्त डीएसपीच्या घराक मंगळारा रातीं उसरां उजो लागलो. हे घडणुकेंत २ भुरग्यां सयत ६ जाणांक मरण आयलें. जाल्यार चार जाण जखमी जाल्यात. तांचेर हॉस्पिटलांत उपचार सुरू आसात.
हे विशीं चड म्हायती प्रमाण, सेवानिवृत्त डीएसपी आपल्या कुटुंबा सयत रावताले. त्या घरांत वट्ट १० लोक आशिल्ले. मंगळारा रातीं सुमार १२ वरांचेर घराचे एके कुडींत शॉर्टसर्किटाक लागून उजो पेटलो. हो उजो रोखडोच घरांतल्या हेर कुडींनीय पातळ्ळो.
ह्या उज्यांत लासून अवतार कृष्णा (८१), गंगा भगत (१७), दानिश भगत (१५), बरखा रैना (२५), ताकाश रैना (३) आनी अद्विक रैना हांकां घुस्मटून मरण आयलें. स्वर्ण (६१), नीतू देवी (४०), अरुण कुमार (६९) आनी केवल कृष्णा हांचेर सध्या हॉस्पिटलांत उपचार सुरू आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
