भांगरभूंय | प्रतिनिधी
पणजी : राज्याची पायाभूत उदरगत आनी विवीध प्रकल्पांच्या कार्यवाये खातीर राज्य सरकार वित्त आयोगा कडेन मागण्यां सयत विवीध प्रस्ताव सादर करतलें. बसकेंत अर्थीक स्थितीचो आढावो घेतले उपरांत मुख्यमंत्री डॉ. प्रमोद सावंत हांणी ही म्हायती दिली.
१६वो वित्त आयोग बेगीनचू गोंयांक भेट दितलो. हेच फाटभूंयेर डॉ. सावंत हांणी खातें मुखेली आनी सचिवांची बसका घेतली. वित्त आयोगाकडेन करपी मागण्यांचो सबके वेळार विचार केलो. निधीच्या विनियोगा विशीं योग्य तें नियोजन करतले, योग्य तरेन साधनसुविधांच्या उपेगाचेर बसकेंत चर्चा जाली. म्हत्वाच्या खात्यांची अर्थीक स्थिती आनी खर्चार विचार जालो. पायाभूत सुविधांचो प्रकल्पांचेर कितले पयशे खर्च जाल्यात, तशेंच येवपी काळांत कितलो खर्च अपेक्षीत आसा, हाचो आढावो घेतलो.
राज्याची उदरगत आनी अर्थीक गरज विचारांत घेवन वित्त आयोगा कडेन विवीध प्रस्ताव आनी मागण्यो सादर करतले. निधी सयत हेर मदतीचीय मागणीकरतले, अशी म्हायती डॉ. सावंत हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
