भांगरभूंय | प्रतिनिधी
कारवार : गोंयच्यान गोकर्णा फिरपाक गेल्ल्या दोगा तरणाट्यांक हांगच्या ओम दर्यादेगेर बुडटना जीवरक्षकांनी वाटयले. सारंग (२३) आनी आदित्य बुधेकार (२४) अशीं तांचीं नांवां.
विदेशांतल्या आपल्या इश्टा वांगडा ते गोंयच्यान गोकर्णां फिरपाक आयिल्ले. ओम दर्यादेगेर ते तिगूय वांगडा उदकांत पेंवपा खातीर देंविल्ले. तेन्ना ल्हारांनी आडकून ते भितर ओडले आनी बुडपाक लागले. रोखडेंच जीवरक्षकांनी घडणुके सुवातेर वचून तांकां दर्यांतल्यान भायर काडले. ह्या वेळार जीवरक्षक शुक्रू गौड, व्यंकटरमण गौड आनी केएनडी कर्मचारी राजू गोवेकार हांणी बचावकार्यांत मजत केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
