भांगरभूंय | प्रतिनिधी
माशेल: ताकवाडो, कुंभारजुवेंच्या बाळकृष्ण चुनेकार हांच्या पयलींच पडूंक पाविल्ल्या घराचेर शेनवारा १४ डिसेंबराक रातचें पणसाचें एक व्हड झाड पडलें. घराची पयलींच सामकी बाबत अवस्था जाल्ली. हे घडणुकेक लागून घराच्या धनयाचें आनीक लुकसाण जालें. हे घडणुकेंत कोणाक कांय जावंक ना.
ही घडणूक घडले उपरांत रोखडेच त्या वाठारांतले नागरीक आनी शेजार्यांनी घरार पडिल्लें झाड काडपाक मजत केली. तशेंच आपत्कालीन सेवा घडणुके सुवातेर पावूंक ना, कारण वाठारांतल्या कांय ग्रामस्थांच्या अतिक्रमणाक लागून रस्तो अशीर जाला. हाका लागून आपत्कालीन वाहनांक ह्या वाठारांत पावपाक आडखळ येता, अशें थळाव्यांनी सांगलें.
घरधनी बाळकृष्ण चुनेकार हांणी थळाव्यांनी केल्ले मजती खातीर उपकार मानल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
