भांगरभूंय | प्रतिनिधी
बंगाली टोका- कैसरबाग (उत्तरप्रदेश) हांगा रावपी सुशिला त्रिपाठी (80) हिका तांच्या पीटबुल जातीच्या पाळीव सुण्यान भयानक पद्दतीन जिवेशीं मारली. सुमार वरभर तो तिका चाबतालो. त्या वेळार घरांत कोण नाशिल्लो. ताका तेर्रासार भोंवडावपाक ती घेवन गेल्ली. तिचो जीम ट्रेनर पूत अमित त्रिपाठी हाणें मागीर त्या सुण्याक स्वता नगर निगमाचे गाडयेंत घालून ताका व्हरपाक लायलो. गाडयेंत वतना त्या सुण्याक आपणें कितें केलें, तें कळ्ळां आसतलें. हे घडणुके उपरांत तो शांत शांत आशिल्लो. कांय म्हयन्यां पयलीं सुशिला हिच्या घोवाक मरण आयिल्लें.
घरांत लॅब्राडाॅर जातीचो आनीक एक सुणो आसा. पीटबुल ह्या हिंसक सुण्याचेर साबार देशांनी बंदी आसा. ताका लागून तो थंय पोसपाक मेळना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
