भांगरभूंय | प्रतिनिधी
पणजी ः फाटल्या दोन दिसां सावन राज्यांत शीं वाडलां. मंगळारा सकाळीं पणजेचें तापमान 2 अंश देवून 18.6 अंश सेल्सियस जालें. ह्या हंगामांतलें हें सगळ्यांत उणें तापमान. ताचे आदीं सोमारा पणजेचें तापमान 19.4 अंश सेल्सियस नोंद जालां. फुडल्या कांय दिसांनी राज्यांतलो पारो आनीक देंवपाची शक्यताय आसा.
हवामान खात्यान दिल्ले म्हायती प्रमाण सोमारा मुरगांवचें तापमान 3.1 अंश उणें जावन 18.8 अंश सेल्सियस जालें. हवामान खात्याच्या नोंदी प्रमाण साळगांवां 17.7 अंश, पोरणें गोंयां 18.4 अंश आनी मोप 19.9 अंश सेल्सियस तापमानाची नोंद जाल्या. फुडले चार दीस तापमान 19 ते 20 अंश सेल्सियस मदीं उरपाची शक्यताय आसा.
सध्या गोंयांत रातच्या वेळार खूब शी पडटा. गांवगिऱ्या वाठारांनी शिंयाचें प्रमाण चड आसा. सादारणपणान दनपार उपरांत वताची तीव्रता वाडत आसा. जाल्यार रातच्या वेळार परतून तापमान देंवता. 17 ते 22 डिसेंबर मेरेन राज्यांत हवामान सुकें उरपाची शक्यताय आसा. ह्या दिसांनी सकाळीं आनी सांजवेळार मध्यम धुकें पडपाचीय शक्यताय आसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
