भांगरभूंय | प्रतिनिधी
नवी दिल्ली, खबरां संस्था : २०२५ वर्स सुरू जावपाक कांय दीस उरल्यात. आमकां दरेकल्याक एक उत्सुकताय आसता, येवपी वर्स म्हजे खातीर कशें आसतलें? नव्या वर्सा म्हज्यो इत्सा पुराय जातल्यो काय? हे विशीं व्हड उत्सुकताय आसता. नव्या वर्सा तुमचे वांगडा कितें जावपाक शकता? हे विशीं जाणून घेवपा खातीर तुमी केन्नाय ज्योतिश्या कडेनूय गेल्या आसतले. हे विशीं जायते जाण जायत्यो भविश्यवाणी करीत आसतात. नव्या वर्सा विशीं अशीच एक भविश्यवाणी नामनेचे भविश्यकार बाबा वेंगा हांणीय आपल्या मरणा पयलींच करून दवरिल्ली. तांणी आपल्या भविश्यवाणींत २०२५ सावन संवसाराचो शेवट जावपाक सुरवात जातली, अशें म्हणलां.
नेमकी बाबा वेंगा हांची भविश्यवाणी कितें आसा?
बाबा वेंगा हांणी २०२५ ह्या वर्साचो अदमास उक्तायतना म्हणलें, अंदूं अश्यो जायत्यो घडणुको घडटल्यो जाका लागून मनीस जीण मुळाक सावन बदलतली. ह्या काळांत युरोपांत यादवी झूज जातलें, राजकी अस्थिरताय निर्माण जातली, युरोपाक जर अस्थिरताय निर्माण जाल्यार ती पुराय मनीस जाती खातीर धोक्याची थारतली. हाचो परिणाम म्हणल्यार नेटान लोकसंख्या उणी जातली.
बाबा वेंगा हांणी २०२५ वर्सा विशीं आनीक एक भविश्यवाणी केल्या, ती म्हणल्यार अंदूं कॅन्सराचेर वखद सोदपाक वैज्ञानीकांक येस येतलें. हाका लागून कॅन्सरा सारकें दुयेंस सहज बरें जातलें. काळाच्या सुरवातेक सावनूच मनशाक हेर संवसाराची खूब उमेद. एलियन्सांचें संशोधनूय चालू आसा. बाबा वेंगान सांगलां की एलियन्सांकडेन संबंदीत आशिल्ल्या संशोधनांत मनशांक व्हड येस मेळटलें. २०२५ वर्सा जायत्यो अजापीत घडणुको घडूंक शकतात, ही संवसार सोंपपाची सुरवात आसूं येता अशेंय बाबा वेंगान सांगलां.
बाबा वेंगा हाची तांचे भविश्यवाणी खातीर वळख आसा. तांणी तांच्या मरणा पयलीं कांय घडणुकांचो उल्लेख केल्लो. त्यो घडणुको तांच्या मरणा उपरांत खर्यो जाल्यो असो दावो करतात. अमेरिकेचेर जाल्लो ९/११ चो जो हल्लो आसा, ते विशींय बाबा वेंगा हांणी पयलींच सांगिल्लें असो दावो बऱ्याच जाणांनी केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
