भांगरभूंय | प्रतिनिधी
गों यांत तुमकां आसा थंयच्यान भारतीय नाच, संगीत शिकपाक मेळ्ळें जाल्यार तुमी अशी संद सोडचे नात, हाची खात्री आसा. मुंबयंतल्या गोरेगांवच्या उज्ज्वला संगीत विद्यालयाचे प्रदीप हांणी ह्या विद्यालया वरवीं वर्ग सुरू केले. खेरीच कोरोना काळांत आॅनलायन वर्गूय घेतले. लातूरांत तांणी नाचाचे वर्ग सुरू केले. ती तांची धूव घेता. तिणें शानभाग हांचे कडेन
शास्त्रीय नाच शिकला. तांच्या घरांत संगीताचो इतिहास ना. तरीय एक दीस प्रदीप हांकां पेटी शिकन दिसलें. तांणी मेहनतींत तातूंत
येश मेळयलें आनी ते आॅर्केस्ट्रांत लेगीन पावले. ते सेल्स टॅक्स खात्यांत कामाक आसले. तें सोडून मागीर तांणी स्वताचें विद्यालय सुरू केलें.
हांगां शिकपी भुरग्यांक मुळावें गिन्यान बेगीन मेळचें म्हूण तांणी शिकोवपाची एक आगळी पद्दत सुरू केल्या. प्रत्यक्ष वर्गात येवप सगल्यांक शक्य नासलें. कितें ना कितें अडचणीं येताल्यो. हें मतींत दवरून प्रदीप हांणी आॅनलायन वर्गाची कल्पना प्रत्यक्षांत हाडली. कारण थारलें अर्थांत कोरोना. आॅर्केस्ट्रांत वाजोवपी प्रदीप अशें येश मेळयत हें कोणाकूच खरें दिसूंक नासलें. पूण ताणें जिद्दीन तें खरें करून दाखयलें. ताका स्वताक बरींच वाद्यां वाजोवपाक, शिकोवपाक येतात. तांकां विद्यालयांत एक सुसज्ज स्टुडियो सुरू करपाचो आसा. सध्या अडचण आसा, ती रोखडीच पयस जातली, अशी आशा तांकां आसा.
तांची चली प्राप्ती नाच शिकलां. ते मेंडोरीन, मुरली वाजोवपाक शिकलां. प्रदीप सांगतात, तें आपले आपूणच तीं वाद्यां वाजोवपाक घरचे घरां शिकलें. हांव मात्शें मार्गदर्शन करतालों. तें दुसऱ्यांक शिकोवपा इतलें तें फिशाल ना. मात नाच तें म्हजे वांगडा शिकयता. ताका जायतीं इनामांय फावो जाल्यांत. जांकां हातूंत करियर करूंक जाय, तांचे कडेन व्हड पासिंयेश आसूंक जाय. त्रास काडपाची तयारी जाय. तशेंच सद्दां रियाज हो जायच. रियाज हो चुकनासतना करपाची गरज आसता. हांव जरी ल्हान कलाकार आसलो तरी सदची येसाय सोडीना. ते खेरीज तुमकां स्वरज्ञान आसूंक जाय. तुमी खंयच्याय फांट्यांत आसूं. ह्या संगीताच्या, नाचाच्या फांट्यांत येयशात तितलें बरें, अशें ते नमळायेन सांगतात.
ते सांगतात, नोकरी सांबाळून, जागरणां करून हांवें वाद्यवृंद आपणायलो. खूब त्रास काडले. ते फुडले पिळगेक काडचे पडचे नात. हाचे फाटलें कारण म्हणल्यार आतां खूब संदी आसात. तुमचे लागीं फक्त कुशळटाय आसपाक जाय. आतां आॅनलायन शिकपाक मेळटा. तुमची शिकपाचीच तयारी जाय. हांवें शिकपाचे पद्दतींत वेगळेंपण हाडलां. ताचो लाव भुरग्यांक जातलो. मुळावें शिकप आठ- णव म्हयन्यां भितर तुमी पुराय करपाक शकतले.
प्रदीप हांचे कडेन संपर्क करपा खातीर फोन क्रमांक आसात. 98212 05690, 98928 44806. तशेंच ईमेल आसा, [email protected]. खाशेली गजाल म्हणल्यार प्रदीप हे स्वताच शिकले. तांणी कोण गुरू करूंक ना. ते सांगतात, संगीत होच म्हजो गुरू. तुमी मुंबय गेल्यार उज्ज्वल संगीत विद्यालय, 7/197 द्वारका बिल्डिंग, शास्त्रीनगर- गोरेगांव हांगा वचूंक शकतात. ह्या फाट्यांत येवचे पयलीं थोडो तरी संगीताचो अभ्यास करचो. हें आतां तितलें कठीण उरूंक ना. प्रदीप हे सावंतवाडीचे. ल्हान आसतना ते पांयपेटी वाजयताले. मागीर मुंबय पावले. तेन्ना जांकां संगीत, नाचाची आवड आसा, तांणी मुद्दाम उज्ज्वल संगीत विद्यालयांत प्रवेश घेवचो वा आॅनलायन धडे घेवचे. शिकिल्लें खंय फुकट वचना.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
