भांगरभूंय | प्रतिनिधी
न्हिदे आदीं २० मिनटां ध्यान केल्यार तीं चार वरांचे न्हिदे बराबर आसता अशें म्हण्टात. जेन्ना ताण वा खंयच्याय कारणाक लागून रातच्या वेळार चड करून न्हीद येना तेन्ना न्हिदे पयलीं ध्यान केल्यार फायदो जावपाक शकता. खरें म्हणल्यार न्हिदचे पयलीं ध्यान केल्यार मन शांत जाता आनी ताचो कुडीचेरूय खोलायेन परिणाम जाता. पूण, आयज आमी सांगतले की न्हिदे पयलीं ध्यान कशें करचें, ताची पद्दत कितें आनी नेमान केल्यार तुमकां कितें फायदो जावंक शकता.
ध्यान कशें करचें
रातच्या वेळार न्हिदचे पयलीं २० मिनटां ध्यान करचें. ध्यान केल्यार तुमकां बेगीन न्हीद येवपाक मदत जाता. खरें म्हणल्यार ध्यान करप न्हिदेचो उणाव पयस करपाक उपेगी पडटा आनी मानसीक शांतिकायूय मेळटा.
न्हिदचे २० मिनटां पयलीं ध्यान करपाक सगळ्यांत पयलीं कुडींतली लायट बंद करची आनी मागीर दोळे बंद करचे.
मागीर मांडी घालून बसचें आनी मागीर ल्हवू ल्हवू व्हडलो उस्वास घेवचो. दोळे बंद करचे आनी फकत १० मिनटां स्वास भितर आनी भायर काडचो. अशें केले उपरांत तुमकां शांत जाणवलें आनी न्हीद येवपाक लागतली.
ध्यान करपाचे फायदे
न्हिदचे पयलीं २० मिनटां ध्यान केल्यार एक व्हडलो फायदो म्हणल्यार तें तुमकां शांत करता. हाका लागून मेंदवाची विचार करपाची गती मंद जाता आनी अशे तरेन मानसीक शांतिकाय मेळटा. हाचे भायर फकत २० मिनटां ध्यान केल्यार तुमचो ताण आनी हुस्को उणो जावंक लागता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
