‘एक देश- एक वेंचणूक’ मंत्रीमंडळाक मान्य

भांगरभूंय | प्रतिनिधी

संसदेंत मंजूर जाल्यार 2029 मेरेन देशभरांत एकाच वेळार वेंचणुको

खबरां संस्था

नवी दिल्लीः ‘एक देश, एक वेंचणूक’ ह्या प्रस्तावाक केंद्रीय मंत्रीमंडळान मंजुरी दिल्या. हें विधेयक फुडल्या सप्तकांत संसदेंत मांडपाक शकतात, असो दावो सुत्रांनी केला. सरकाराक ह्या विधेयकाचेर एकमत घडोवपाचें आसा. ताका लागून हें विधेयक संसदे कडल्यान संयुक्त संसदीय समिती (जेपीसी) कडेन चर्चे खातीर धाडटले. जेपीसी ह्या विधेयकाचेर सगळ्या राजकी पक्षांच्या प्रतिनिधी कडेन चर्चा करतली. हें विधेयक संसदेंत मंजूर जालें जाल्यार 2029 मेरेन देशभरांत एकाच वेळार सगळ्यो वेंचणुको जातल्यो.

हे आदीं सप्टेंबरांत केंद्रीय मंत्रीमंडळान ‘एक देश, एक वेंचणूक’ प्रस्तावाक मंजुरी दिल्ली. मंत्रीमंडळाचे बसके उपरांत केंद्रीय मंत्री अश्विनी वैष्णव हांणी सांगिल्लें, पयल्या पांवड्याचेर विधानसभा आनी लोकसभा वेंचणुको एकाच वेळार जातल्यो. ते उपरांत 100 दिसांनी दुसऱ्या पांवड्यार थळाव्या स्वराज्य संस्थांच्यो वेंचणुको जातल्यो.

यापूर्वी सप्टेंबरमध्ये केंद्रीय मंत्रिमंडळाने वन नेशन-वन इलेक्शनच्या प्रस्तावाला मंजुरी दिली होती. मंत्रिमंडळाच्या बैठकीनंतर केंद्रीय मंत्री अश्विनी वैष्णव म्हणाले होते की, ‘पहिल्या टप्प्यात विधानसभा आणि लोकसभा निवडणुका एकाच वेळी होणार आहेत. त्यानंतर 100 दिवसांत दुसऱ्या टप्प्यात नागरी निवडणुका होणार आहेत.

समितीच्या अहवाला प्रमाण ‘एक देश एक वेंचणूक’ लागू करचे खातीर खूबश्या राज्यांच्या विधानसभांचो कार्यकाळ उणो करतले. ज्या राज्यांनी 2023 चे अखेरेक विधानसभा वेंचणुको जातल्यो, तांचो कार्यकाळ वाडोवपाक शकतात. मंत्रीमंडळाच्या प्रस्तावाक सगळ्या पक्षांक मान्य जालो जाल्यार ताची अंमलबजावणी 2029 सावन करतले. ते खातीर डिसेंबर 2026 मेरेन 25 राज्यांनी विधानसभा वेंचणुको घेवच्यो पडटल्यो. ‘एक देश, एक वेंचणूक’चो विचार करचे खातीर आदले राष्ट्रपती रामनाथ कोविंद हांचे अध्यक्षते खाला 2 सप्टेंबर 2023 ह्या दिसा एक समिती घडयल्ली. हे समितीन 191 दिसांच्या संशोधना उपरांत 14 मार्चाक राष्ट्रपती द्रौपदी मुर्मू हांकां अहवाल सादर केल्लो. कोविंद समितीन पांच सुचोवण्यो केल्यात. सगळ्या राज्यांचो विधानसभा कार्यकाळ फुडले लोकसभा वेंचणुके मेरेन म्हणल्यार 2029 मेरेन वाडोवचो. त्रिशंकू विधानसभेंत (कोणाच कडेन भोवमत ना) आनी अविस्वास प्रस्ताव आयल्यार, उरिल्ल्या पांच वर्सांच्या काळा खातीर नव्यान वेंचणुको घेवपाक शकतात. पयल्या पांवड्यार लोकसभा आनी विधानसभा वेंचणुको एकाच वेळार घेवपाक शकतात. ते उपरांत दुसऱ्या पांवड्यार थळाव्या स्वराज्य संस्थांच्यो वेंचणुको 100 दिसांनी जावपाक शकतात. लोकसभा, विधानसभा आनी थळाव्या स्वराज्य संस्थांच्या वेंचणुकां खातीर राज्य वेंचणूक अधिकाऱ्यां कडेन चर्चा करून वेंचणूक आयोग एकूच मतदार वळेरी आनी मतदार वळखपत्र तयार करतलो.

पयलींय जाल्ली ‘एक देश, एक वेंचणूक’

स्वातंत्र्या उपरांत 1952, 1957, 1962 आनी 1967 त लोकसभा आनी विधानसभा वेंचणुको एकाच वेळार जाल्ल्यो. पूण 1968 आनी 1969 त खूबश्यो विधानसभा मुजती आदींच विसर्जीत जाल्यो. ते उपरांत 1970 त लोकसभा लेगीत विसर्जीत केली. ताका लागून एक देश, एक वेंचणुकेची परंपरा खंडीत जाली.