भांगरभूंय | प्रतिनिधी
13 डिसेंंबराक एनआयओत जातली कार्यावळ
पणजी : दरवर्सा प्रमाण जावपी मनोहर पर्रीकार विज्ञान महोत्सव अंंदू पर्रीकार हांंचे जल्मदीसा म्हंणजे शुक्रारा 13 डिसेंंबराक जातलो. एनआयओ सभाघरांत जावपी मुखेल कार्यावळीत डॉ. हबील लुसीना वोजनियाक, अणुउर्जा आयोगाचे आदले अध्यक्ष डॉ. अनील काकोडकार आनी मनोहर पर्रीकार युवा वैज्ञानिक पुरस्कार फावो जाल्ले डॉ. मोहितकुमार जॉली हांंची व्याख्यानां जातली. व्याख्यानां उपरांंत विद्यार्थ्यांंक वैज्ञानिकांंक प्रस्न विचारपाची संंद मेळटली.
आदले मुख्यमंंत्री सर्गेंस्त मनोहर पर्रीकार हांंचे जल्मदीसा गोंय सरकार दर वर्सा विज्ञान महोत्सव महोत्सव मनयतात. अंंदू एनआयओंतल्या कार्यावळींत मुख्यमंंत्री डॉ. प्रमोद सावंंत हे मुखेल सोयरे म्हूण हाजीर आसतलें. तांंचे हस्तुकी मनोहर पर्रीकार युवा वैज्ञानिक पुरस्कार भेटोवपाची कार्यावळ जातली. हे वेळार मनोहर पर्रीकार हांंचे जीविताचेर आधारीत लघुपटाचे प्रदर्शन जातलेंं. अणुउर्जा आयोगाचे आदले अध्यक्ष डॉ. अनील काकोडकार, एनआयओचे संंचालक डॉ. सनील सिंंग उक्तावण सुवाळ्याक हाजीर आसतले. उक्तावणा उपरांंत डॉ. अनिल काकोडकार, डॉ. हबील लुसीना वोझनियाक आनी डॉ. मोहितकुमार जॉली हांंची व्याख्यानां जातली.
हे कार्यावळी पयली मुख्यमंंत्री डॉ. प्रमोद सावंंत हे मिरामार हांंगा पर्रीकार हांंच्या समाधीचेर फुलांंचो झेलो ओंपून तांंकां आदरांंजली ओंपतलेंं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
