भांगरभूंय | प्रतिनिधी
पणजीः साहित्यीक, अनुवादक, कोशकार मुकेश थळी हांच्या ‘शिवरंजनी’ ह्या ललीत पुस्तकाचें प्रकाशन येता त्या आयतारा 15 डिसेंबराक जातलें. बांदाेडें श्रीमहालक्ष्मी संस्थान, श्रीनारायणदेव सभाघरांत सांजे 5 वरांचेर ही कार्यावळ जातली. नामनेचे अभिनेते अजित केरकार पुस्तकाचें प्रकाशन करतले. कवी, पत्रकार संजय बोरकार पुस्तकाचेर उलयतले. श्रीमहालक्ष्मी संस्थानाचे अध्यक्ष हर्षद कामत कार्यावळीक मानाचे सोयरे म्हूण हाजीर रावतले. रघुनाथ सांकोड्डेंकार निवेदन करतले, अशी म्हायती संजना पब्लिकेशन्साचे दिनेश मणेरकार हांणी दिली. ही कार्यावळ श्रीनागेश महालक्ष्मी प्रासादीक नाट्य समाज, बांदोडें आनी संजना पब्लिकेशन्स, सांगें हांच्या जोड पालवान घडोवन हाडल्या.
बहुभाशी साहित्यीक मुकेश थळी हांचें हें सातवें पुस्तक. तांणी साहित्य अकादेमीचीं दोन पुस्तकां कोंकणीत अणकारींत केल्यांत. आकाशवाणीच्या खबरां विभागांत तीस वर्सां आनी आदीं गोवा विद्यापिठाच्या कोंकणी विश्वकोश विभागांत तांणी स वर्सां सेवा दिल्या. थळी हांकां जायते पुरस्कार फावो जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
