भांगरभूंय | प्रतिनिधी
म्हापशें ः सिरसय सरपंचपदार सिमरन उसकयकार हांची विरोधा विणें निवड जाली. सत्ताधारी गटांतल्या तोंडी कबलाती प्रमाण आदले सरपंच दया फडते हांणी पदाचो राजिनामो दिले उपरांत हें पद रितें आशिल्लें.
बिरेस्तारा सकाळीं नवो सरपंच वेंचपाक पंचायतीची बसका जाली. ह्या वेळार उपसरपंच रूपेश मडगांवकार, पंच गोकुळदास कांदोळकार, सिमरन उसकयकार, दया फडते आनी तेजा कांदोळकार हजर आशिल्लीं. निलेश कांबळी आनी राजाराम पार्सेकार हे पंच वांगडीय हजर आशिल्ले.
हे निवड प्रक्रिये वेळार उसकयकार हिचो एकूच अर्ज सरपंच पदा खातीर दाखल जालो. ताका लागून निर्वाचन अधिकार्यांनी तांची ह्या पदार विरोधा विणें निवड जाल्ल्याची घोशणा दिली. निर्वाचन अधिकारी म्हणून गटविकास कार्यालयाचे विस्तार अधिकारी शिरीषकुमार तारी हजर आशिल्ले. तांकां पंचायत सचीव गोविंद खलप हांणी सहकार्य केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
