भांगरभूंय | प्रतिनिधी
फोंडें : कुंकळ्ळें- प्रियोळच्या एका घरा लागसार बिरेस्तारा सकाळीं बिबट्याचें पिल दिसलें. थळाव्यांनी हे विशींची म्हायती रान खात्याक दिले उपरांत अधिकार्यांनी त्या पिलाक ताब्यांत घेतलें. एका घरा शेजरा तें भोंवतालें. हे विशीं थळाव्यांनी रोखडीच रान खात्याक कळयलें. उत्तर गोंय उपवनपाल जिस वर्की हांणी चड म्हायती दितना, बिबट्याचा पिलाचो जल्म २ ते ३ सप्तकां पयलीं जाल्ल्याचो अदमास उक्तायलो.
ह्या पिलाची आवय हांगा येवपाची शक्यताय आशिल्ल्यान बिरेस्तारा रातीं ह्या वाठाराचेर नदर दवरतले. ना जाल्यार बिबट्याच्या पिलाक बोंडला प्राणी संग्रहालयांत धाडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
