भांगरभूंय | प्रतिनिधी
पणजी, प्रतिनिधी : उदका स्रोत खात्याचे मुख्य अभियंते प्रमोद बदामी हांकां सरकारान 6 म्हयन्यांची मुदतवाड दिल्या. हे विशींची अधिसुचोवणी जारी केल्या. खात्याच्या मुखेल अभियंत्यां सयत सर्वसादारण प्रशासन फाट्यांतल्या एका स्टेनोग्राफराक वर्साची मुदतवाड दिल्या.
प्रमोद बदामी हे 30 नोव्हेंबराक निवृत्त जावपाचे आशिल्ले. 1 डिसेंबर 2024 ते 31 मे 2025 हे 6 म्हयने तांकां सेवेत मुदतवाड दिल्या. खात्या वरवीं बऱ्याच प्रकल्पांची कामां चालू आसात. उदकाचो सांठो करपा खातीर बंधाऱ्यांचीं कामां सुरू आसा. तशेंच म्हादयच्या उदकाचो प्रस्न न्याय प्रविश्ट आसा. बदामी हे अणभवी अधिकारी आशिल्ल्यान तांका सगळ्या प्रस्नाची जाण आसा. हाका लागून तांकां सेवेत मुदतवाड दिल्ल्याची म्हायती गोपांनी दिली.
इतले मजगतीं सर्वसादारण प्रशासन फाट्यांतली स्टेनोग्राफर (ग्रेड 1) सुकोरिनो फाल्कांव हांकां 1 वर्साची मुदतवाड दिल्या. 1 डिसेंबर 2024 ते 30 नोव्हेंबर 2025 मेरेन तांकां मुदतवाड दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
