भांगरभूंय | प्रतिनिधी
म्हापशें ः दाभोळवाडो, शापोरा गुदांवा सारके खोंपीक उजो लागलो. हातूंत दोन चाकी सयत हेर सामान लासून लाखांचें लुकसाण जालें.
ही घडणूक सोमारा २ तारखेक फांतोडेर सुमार ३ वरांचेर घडली. मनोहर च्यारी हांणी आपल्या घरा शेजरा खोंप बांदून ताचो तांणी सामान दवरपा खातीर गुदांव केल्लो. घडणुके वेळार थंयच्यान एक मनीस वतालो. तेन्ना ताका हो उजो दिसलो. तांणी रोखडोच चारी हांकां ते विशीं कळयलें. उपरांत ते दिकेन च्यारी कुटुंबियांन धांव घेवन शेजार्यां सयत तो उजो पालोवपाचो यत्न केलो. तशेंच म्हापशें उजो पालोवपी दळाक संपर्क केलो.
उपरांत उजो पालोवपी दळाच्या जवांनी थंय येवन हो उजो नियंत्रणांत हाडलो. तो मेरेन पुराय गुदावांतलें सामान लासून गेल्लें. हातूंत स्कुटर, वॉशींग मशीन, उदकाची टांकी, हेर सामान, तशेंच खोंपी कुशीक पार्क केल्ली एक दुचाकी आशिल्ली ती लासून गोबोर जाली.
हे घडणुके विशीं कळटांच थळावे पंच वांगडी सुरेंद्र गोवेकार हांणी येवन पळोवणी केली. च्यारी कुटूंबियांचें हे घडणुकेंत व्हड लुकसाण जालां. सरकारान तांकां योग्य ती मजत करपाची मागणी गोवेकार हांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
