भांगरभूंय | प्रतिनिधी
न्युयाॅर्क, खबरां संस्था: अमेरिका, युरोपा सयत संवसारांत सिंथेटीक ड्रग्ज फेंटेनायलाक लागून दर वर्सा हजारांनी तरणाट्यांक मरण येता. ताचें उत्पादन करपी ड्रग्स कार्टेल आतां रसायनशास्त्रांतल्यान पदवीधरांक नेटान भरती करपाक लागलां. मेक्सिकोची सिनालोआ कार्टेल कॅम्पस भरती चलयता. कार्टेल लॅबांत फेंटॅनील तयार करपी लोकांक ‘कूक’ म्हणटात, तांकां प्रगत रसायनशास्त्राचें बरें गिन्यान आसता. चडांत चड लोकांक हाचें वेसन लागचें म्हणून आदीं पसून अस्तित्वांत आशिल्ल्या ड्रग्जाक आनीक बळीश्ट करतात. ड्रग्ज कार्टलचो फकत एकूच हेतू आसा, तो म्हणल्यार विद्यापीठाचे रसायनशास्त्राचे विद्यार्थी तांचे खातीर रसायनास सिंथेसीस करून प्रीकर्सर तयार करतले, हे फेंटेनायल ड्रग्ज निर्मिती खातीर गरजेचे.
अमेरिकेचे निर्वाचीत अध्यक्ष डोनाल्ड ट्रम्प हांणी मेक्सिको शिमे पलतडीं ड्रग्ज पुरवण थारना जाल्यार मेक्सिकन वस्तूंचेर शुल्क लावपाची धमकी दिली. मात, मेक्सिकोचे नवे अध्यक्ष क्लॉडिया शेनबॉम हांणी सांगलें, मेक्सिकोक प्रीकर्सरची शिपमेंट थारावप आंतरराष्ट्रीय सहकार्या बगर शक्य ना.
तज्ञ १८ वर्सां यूएस ड्रग्ज एन्फोर्समेंट डमिनिस्ट्रेशनांत फॉरेन्सीक केमिस्ट म्हणून काम करपी जेम्स डीफ्रान्सेस्को हांणी सांगलें, प्रिकर्सर संश्लेशणाची प्रक्रिया खूब गोंदळाची आसा. विद्यार्थ्यांनी गॅस मास्क आनी हॅझमॅट सूट घाल्लें आसपाक शकतात, पूण संकश्टांत सांपडूंक शकतात. तातूंत प्राणघातक ड्रग्सचो संपर्क जाता, स्फोट जातात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
