भांगरभूंय | प्रतिनिधी
पणजी : काणकोण बायपासाच्या बेंदोर्डे ते पोळें मेरेनच्या २२.१० किमी पट्याच्या चौपदरीकरणा खातीर केंद्र सरकारान १३७६ कोटी रूपया मंजुर केल्यात. केंद्रीय रस्ते आनी म्हामार्ग मंत्री नितीन गडकरी हांणी ट्विट करून ही म्हायती दिल्या. हो रस्तो मुंबय ते कन्याकुमारी कॉरिडॉरोचो भाग जावन आसा.
मडगांव, कुंकळ्ळी आनी काणकोण ह्या तीन शारांक जोडपा सयत ह्या रस्त्यान कनेक्टिवीटीत सुदारणा जातली, अशें केंद्रीय मंत्र्यांनी म्हणलां. बेंदोर्डे, कोर्डे, बार्स आनी काणकोणच्या लोकांक कर्नाटका सयत महाराष्ट्रांत वचप सोयीचें थारतलें. अपघात जावपी वाठारांचो धोको उणो करपा सयत येरादारीत सुदारणा करपा सयत वाठाराच्या उदरगतीक उर्बा दिवपाक ह्या पट्याचे चौपदरीकरण लावकारी थारतलें, अशें केंद्रीय मंत्री नितीन गडकरी हांणी म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
