भांगरभूंय | प्रतिनिधी
मुख्यमंत्र्या हस्तुकीं सेवेचें उक्तावण
दिवचल: पोरणें गोंयच्या सां फ्रान्सीस झेवियर पवित्र कूड दर्शन सुवाळ्याचे फाटभूंयेर मुख्यमंत्री डॉ. प्रमोद सावंत हांणी सांखळे वाठारांतल्यान क्रिस्तांव भाव आनी हेरांक दर्शन घेवपा खातीर दोन वाहनांची वेवस्था केल्या. हाचो उक्तावण सुवाळो तांचे हस्तुकीं सांखळे रवींद्र भवन वाठारांत जालो.
५ जानेवारी मेरेन पोरणें गोंयां सेंट फ्रान्सीस झेेवियर पवित्र कुडीचें दर्शन घेवपाक मेळटलें. हे नदरेन क्रिस्तांव भाव आनी हेरांची बरे तरेन वेवस्था जाचे खातीर सांखळेच्यान सदांच दोन बसी सोडटले, अशी म्हायती मुख्यमंत्र्यांन दिली. ह्या वेळार फादर वेल्सन फर्नांडीस, फादर जॉयन डिकॉस्ता, फादर पॅट्रिशिओ तशेंच समाजीक कार्यकर्ते नील मोंतेरो हजर आशिल्ले.
ह्या वेळार फादर व्हेल्सन फर्नांडीस, फादर पॅट्रिशिया हांणी अशे तरेची क्रिस्तांव भावां खातीर फुकट वाहनांची वेवस्था पयलेच खेपो केल्ल्याचें सांगून मुख्यमंत्र्यांचे उपकार मानले. हीं दोन वाहनां सद्दां सांखळेच्यान पोरणें गोंयां सेंट फ्रान्सिस झेवियर पवित्र कूड दर्शना खातीर भाविकांक घेवन वतलीं आनी परत हाडून सांखळे सोडटलीं.
मुख्यमंत्र्यांनी बावटो दाखोवन बस सेवेचें उक्तावण केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
