भांगरभूंय | प्रतिनिधी
मुंबय: हांगाचे एके तरणाटेक डिजिटल पद्धतीन अटक करून व्हिडिओ कॉलार तिचे कपडे काडपाक लायले.
वखदां कंपनींत काम करपी बायले मुखार ह्या गुंडांनी दिल्ली पुलीस अधिकारी आशिल्ल्याची वळख दिली. आरोपीन बायलेक सांगलें, जेट एअरवेजचे संस्थापक-अध्यक्ष नरेश गोयल हांचे कडेन संबंदीत मनी लान्ड्रींग प्रकरणांत तिचें नांव मुखार आयलां. गोयल सध्या बंदखणींत आसा. उपरांत गुंडांनी बायले कडल्यान १.७ लाख रुपया घेतले.
चवकशे खातीर हॉटेलाची कूड बूक केली
मुंबय रावपी ही बायल २६ वर्सां पिरायेची. १९ नोव्हेंबराक गुंडांनी फोन करून तिचें नांव मनी लॉंड्रिंग प्रकरणांत आयिल्ल्याचें सांगलें. बायलेन तांच्या म्हणण्याचेर विस्वास दवरले उपरांत आरोपींनी व्हिडिओ कॉल लायलो. उपरांत बायलेक आनीक चवकशे खातीर हॉटेलाचे कुडींत चेक इन करपाक सांगलें.
हॉटेलांत चेक इन केले उपरांत गुंडांनी व्हिडिओ कॉला वरवीं बँक तपशीलांची पडताळणी करपा खातीर तिका १ लाख ७८ हजार रुपया ट्रान्स्फर करपाक सांगलें. उपरांत आंग तपासपाक कपडे काडपाक सांगले. आपल्या फटयता हें ते बायलेच्या लक्षांत आयले उपरांत तिणें २८ नोव्हेंबराक पुलिशेंत कागाळ केली. पुलीस हे विशीं तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
