भांगरभूंय | प्रतिनिधी
वॉशिंगटन, खबरां संस्था: अमेरिकेचे नवे अध्यक्ष डोनाल्ड ट्रम्प हांणी शेनवारा काश पटेल हांचे कडेन फेडरल ब्युरो ऑफ इन्व्हेस्टिगेशनाचें (एफबीआय) फुडारपण दिवपाची घोशणा केल्या. ट्रम्प हांच्या पयल्या कार्यकाळा मजगतीं पटेल हे अमेरिकेच्या संरक्षण विभागाचे चीफ ऑफ स्टाफ आशिल्ले. तुलसी गब्बार्ड हांचे कडेन नॅशनल इंटेलिजन्सची जापसालदारकी दिले उपरांत आतां पटेल हे ट्रम्प हांच्या येवपी प्रशासनांत संद मेळिल्ले दुसरे भारतीय- अमेरिकन थारल्यात.
ट्रम्प हांणी कितें म्हणलें?
ड्रम्प हांणी, सोशल मिडिया प्लॅटफॉर्म ट्रूथ सोशलाचेर पोस्ट करीत हे विशीं म्हायती दिली. ट्रम्प हांणी, कश्यप ‘काश’ पटेल हे फेडरल ब्युरो ऑफ इंव्हेस्टीगेशनाचे फुडले संचालक म्हणून काम करतले. हें जाहीर करतना म्हाका अभिमान दिसता. काश एक हुशार वकील, इन्व्हेस्टीगेटर आनी ‘अमेरिका फर्स्ट’ फायटर आसात. तांणी आपली कारकीर्द भ्रश्टाचार उक्ताडार हाडप, न्यायाचें रक्षण आनी अमेरिकन नागरिकांचें संरक्षण करपांत घालयली.
वॉशिंग्टनाच्या राजकी चक्रांत काश पटेल हांचें नांव सेंट्रल इंटेलिजन्स ब्युरो (CIA) चे मुखेली म्हणून चर्चेंत आशिल्लें. मात ट्रम्प हांणी ह्या पदाचेर तांचे लागींचे वांगोडी जॉन रॅटक्लिफ हांची नेमणूक केली. पटेल हांच्या नांवाची घोशणा करतना ट्रम्प हांणी फ्लोरिडाच्या हिल्सबरो काउंटीचे शेरीफ चॅड क्रोनिस्टर हांची ड्रग एन्फोर्समेंट एजन्सीचे मुखेली म्हणून नेमणूक केल्ल्याची घोशणाय केली.
पटेल हे आपलें पुराय नांव कश्यप प्रमोद विनोद ‘काश’ पटेल अशें लायतात. तांचो जल्म, शिक्षण अमेरिकेंतूच जालां. तांचे बापूय इस्ट आफ्रिकेंतल्यान कॅनडा आनी उपरांत अमेरिकेंत वचून स्थायीक जाल्लो. ते वित्त अधिकारी म्हूण काम करताले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
