भांगरभूंय | प्रतिनिधी
आधार अपडेट करपाची निमाणी मुजत ह्या म्हयन्यांत सोंपता
नवी दिल्ली, खबरां संस्था: १ डिसेंबर सावन १९ किलांचो वेवसायीक गॅस सिलिंडर १६.५० रुपयांनी म्हारग जाला. आतां दिल्लींत तो १८१८.५० रुपयांक मेळटलो. म्हयनोभर आदीं ताची किंमत ६२ रुपयांनी वाडून १८०२ रुपया जाल्ली. आधार मुफत अपडेट करपाची निमाणी मुजत ह्या म्हयन्यांत सोंपता.
जेट इंधन १,२७४ रुपयांनी म्हारग जाल्ल्यान विमानाचो प्रवास म्हारग जावपाक शकता.
डिसेंबर म्हयन्यांत घडटले ५ बदल…
१. वेवसायक सिलिंडर जालो म्हारग: किंमत १६.५० रुपयांनी वाडली, घरगुती सिलिंडराचे किमतींत वाड ना.
२. फुकट आधार अपडेट: फुकट तपशील अपडेट करपाची निमाणी तारीख १४ डिसेंबराक सोंपता. आधार कार्डधारकांनी १४ डिसेंबर २०२४ मेरेन myadhaar पोर्टला वरवीं आपलो तपशील (नांव, पत्तो वा जल्म तारीख) ऑनलायन अपडेट करूंक शकता. हे तारखे उपरांत शुल्क लागू जातले.
सद्याचें शुल्क: आधार केंद्रांत ऑफलायन अपडेट करपाक ५० रुपया, जाल्यार पोर्टला वरवीं ऑनलायन अपडेट करतना तें मुजती मेरेन फुकट.
३. एसबीआय क्रेडीट कार्ड नेमांनी बदल: डिजिटल गेमिंग प्लॅटफॉर्म वेव्हारांचेर खंयचेच तरेचें रिवॉर्ड पॉयंट ना. स्टेट बँक ऑफ इंडियान (SBI) आपल्या क्रेडीट कार्डाडेन संबंदीत नेम बदल्ल्यात. एसबीआय कार्ड वेबसाइटी प्रमाण १ डिसेंबर २०२४ सावन, जर तुमी डिजिटल गेमींग प्लॅटफॉर्म/वेपारी हांचे कडेन संबंदीत वेव्हारां खातीर एसबीआय क्रेडीट कार्ड वापरता जाल्यार, क्रेडीट कार्ड डिजिटल गेमिंग प्लॅटफॉर्म/वेपारी हांचे कडेन संबंदीत वेव्हारांचेर रिवॉर्ड पॉयंट्स पात्र जावचे ना.
४. एटीएफ २,९९२ रुपयां मेरेन म्हारग: विमान प्रवास म्हारग जावपाक शकता. ऑयल मार्केटिंग कंपन्यांनी एअर ट्रॅफीक फ्युएल (ATF) चें दर वाडयलां. ताका लागून विमान प्रवास म्हारग जावपाक शकता. इंडियन ऑयलचे वेबसायटी प्रमाण दिल्लीं ATF १३१८.१२ रुपयांनी म्हारग जावन ९१,८५६.८४ रुपया प्रती किलोलिटर (१००० लिटर) जालां. तशेंच हेर राज्यांनीय हो दर वाडला.
५. मालदिवाक भेट दिवप म्हारग पडटलें: पर्यटकां खातीर प्रस्थान शुल्क वाडिल्ल्यान १ डिसेंबर सावन मालदिवाक वचप म्हारग जालां. हांगा पर्यटकांचें प्रस्थान शुल्क वाडटा. मालदीव सरकारान जारी केल्ल्या आदेशा प्रमाण, इकॉनॉमी क्लास फी ३० (रु. २,५३२) वेल्यान ५० (रु. ४,२२०) जाली. बिझनेस क्लास फी ६० (रु. ५,०६४)वेल्यान १२० (रु. १०,१२९) जाली. पयली श्रेणी शुल्क ९० (रु. ७,५९७) वेल्यान २४० (रु. २०,२५७) मेरेन वाडली. जर कोण खाजगी जेटान मालदीवांत पावल्यार ताका आतां १२० (रु. १०,१२९) बदला ४८० (रु. ४०,५१५) दिवचे पडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
