भांगरभूंय | प्रतिनिधी
नायजर, खबरां संस्था ः उत्तर नायजेरियांतल्या नायजर न्हंयेंत शुक्रारा बोट उमथली. हे दुर्घटनेत 27 जाणांक मरण आयलें जाल्यार 100 परस चड लोक बेपत्ता आसात. हांतूत चडशो बायलो आसात. नायजेरियाच्या राज्य आपत्कालीन वेवस्थापन एजन्सीचे प्रवक्ते इब्राहिम औडू हांणी ‘द असोसिएटेड प्रेस’ कडेन उलयतना सांगलें, ह्या बोटीत सुमार 200 प्रवासी आशिल्ले. हें सगळे प्रवासी कोगी राज्यांतल्यान लागसारच्या नायजर राज्यांत वताले.
बोट उमथिल्ल्याचें नेमकें कारण आजून स्पश्ट जावंक ना. पूण थळाव्या माध्यमांनी सांगिल्लें प्रमाण बोटींत क्षमते परस चड लोक आशिल्ल्यान गर्दी जाली आनी बोट उमथली अशें सांगलें. पयसुल्ल्या वाठारांनी रस्ते नाशिल्ल्यान जायत्या जाणांक बोटींनी प्रवास करप सोडून आनीक हेर पर्यायी मार्ग ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
