भांगरभूंय | प्रतिनिधी
मध्य प्रदेश, खबरां संस्था: धांवते एम्ब्युलन्सींत सोळा वर्सां पिरायेचे एके नेण्टे चलयेचेर सामुहीक बलात्कार जालो. हे चलयेच्या मामे भयणीच्या घोवान आनी हेरांनी मेळून हे कर्म केलें. मागीर एम्ब्युलन्स ड्रायव्हरानूय तिचेर बलात्कार केल्ल्याची धक्को दिवपी घडणूक उजवाडाक आयल्या. हे चलयेच्या मामा सामकारूच ही घडणूक घडली. ह्या प्रकरणांत पुलिसांनी दोगांक अटक केल्या. पिडेस्ताच्या मामाचो सोद सध्या पुलीस घेतात.
२२ नोव्हेंबराक मध्य प्रदेशांतल्या हनुमान पुलीस स्टेशनाचे हद्दींत ही घडणूक घडली. पिडेस्त चलयेन चार जाणां आड पुलिशेंत कागाळ केल्या. तातूंतलो एक तिचो काका. पिडेस्तान मामा, तिची भयण, मामे भयणीचो घोव आनी ऍम्बुलन्स ड्रायव्हरा आड कागाळ केल्या. पिडेस्ताचे कागाळी उपरांत पुलिसांनी गुन्यांव नोंद केला. २७ नोव्हेंबराक पिडेस्ताचे भयणीचो घोव आनी ऍम्बुलन्स ड्रायव्हराक अटक केल्या. पिडेस्त चलयेचो मामा आनी तिची मामे भयण फरारी आसात.
पिडेस्त चलयेन पुलिसांक सांगिल्ले प्रमाण, २२ नोव्हेंबराक मामाची धूव पिडेस्ताच्या घरा आयली. उपरांत तिणें पिडेस्ताक तिच्या घरा व्हरपाक आग्रो केलो. उपरांत चली तिचे वांगडा वचपाक तयार जाली. उपरांत तीं सगळीं एम्बुलन्सींत बसलीं. ह्या वेळार मामे भयण, तिचो घोव आनी एम्बुलन्स ड्रायव्हर हे सगळे आशिल्ले. फुडल्या सिटार चलयेचो मामा आनी ताचो जावय बशिल्लो. काय वेळा उपरांत ते चलयेची भयण उदक जाय म्हणून तें हाडपाक सकयल देंवली. उपरांत भयणीचो घोव फाटल्यान पिडेस्त बशिल्ली त्या सिटार येवन बसलो. रात जाल्ली आनी एम्बुलन्स दोंगरार आशिल्ली. ह्याच वेळार ड्रायव्हरान आनी पिडेस्ताचे भयणीच्या घोवान तिच्या मामा मुखार बलात्कार केलो. सकाळीं पांच वरांचेर ते चलयेक तिच्या घरच्या वाठारांत तशीच हाडून सोडली. उपरांत पिडेस्त चली घरा आयली. घडिल्लो सगळो प्रकार तिणें आवयक सांगलो. उपरांत आवयन ‘नांव पिड्ड्यार जावपाच्या भंयान जें कितें जालें तें कोणाक सांगू नाका’ अशें तिका सांगलें. मात ते चलयेन २५ नोव्हेंबराक पुलिशेंत वचून त्या चवगांय आड कागाळ नोंद केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
