भांगरभूंय | प्रतिनिधी
पणजी : पुलिसांक बिराडकारांची म्हायती दिनाशिल्ल्या घर धनयांक आतां १ डिसेंबर सावन १० हजार रूपयांचो दंड भरचो पडटलो. गोंय बिराडकार पडताळणी कायद्याची अंमलबजावणी १ डिसेंबरा सावन सुरू जातली. अंमलबजावणेची तारीख निश्चीत करपी अधिसुचवणी गृह खात्या वतीन जारी केली.
जनतेच्या सुरक्षितताये खातीर पुलिसांनी बिराडकारांची तपासणी मोहीम सुरू केल्या. आतां मेरेन सुमार २ लाख घरांची बिराडकारां खातीरची तपासणी पुराय जाल्या. जे घर धनी बिराडकारांची म्हायती आनी कागदपत्रां पुलिसांक दिना, तांकां १० हजार रूपयां मेरेन दंडाची तरतूद ह्या कायद्यांत आसा. घरमालकांनी भाडेकरूंच्या ओळखपत्रां सयत गरजेची म्हायती फॉर्माचेर भरून लागसारच्या पुलीस स्टेशनांत दिवची, अशी सुचवणी सरकारान पयलींच दिल्या.
सयकारान कायदो सुवेवस्था राखपा वांगडा गुन्यांवांचो सोद घेवप शक्य जावचें, ह्या हेतान हो कायदो केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
