भांगरभूंय | प्रतिनिधी
एमओईएफ समिती कडल्यान गांवांंक भेटी दिवपाक सुरवात
पणजी: अस्तंंत घाट जैव संंवेदनशील वाठारांतल्यान 108 गांवांं पैकीं जे 21 गांव भायर काडपाची राज्य सरकारान मागणी केल्या त्या गांवांक एमओईएफ समितीन भेटी दिवपाक सुरवात केल्या. गांवांचे पळोवणे उपरांंत प्रस्तावाची तपासणी जातली आनी निर्णय जातलो. हे विशी मंंत्रालयांत आयज बसका जातली अशी म्हायती गोपांनी दिली.
अस्तंंत घांट जैवसंंवेदनशील वाठाराच्या प्रस्तावीत अधिसुचोवणेंत 108 गांव आसात. हाचे पैकीं 21 गांव कुशीक काडपाची गोंंय सरकारान मागणी केल्या. हे मागणेचो विचार करपा खातीर केंद्रीय रानां आनी पर्यावरण मंंत्रालयाची तज्ञ समिती मंंगळारा गोंयांंत पावली. मंंगळारा बसका जाली. हे बसकेक मुख्यमंंत्री डॉ. प्रमोद सावंंत, पर्यावरण मंंत्री अालेक्स सिक्वेरा तशेंच समितीचे वांंगडी हाजीर आशिल्ले. बुधवार आनी बिरेस्तार अशें दोन दीस समितीचे वांंगडी गांवांंक भेटी दिवन पळोवणी करतले. राज्याचो प्रस्ताव कितलो मेरेन योग्य आसा, हाची तपासणी करतले आनी उपरांंत निर्णय जातलो. चडां चड गांव कुशीक काडपाचे यत्न आसात अशी म्हायती पर्यावरण मंंत्री अालेक्स सिक्वेरा हांणी दिली. बुधवारा समितीन खंयच्या गांवांक भेट दिली हाची म्हायती कोणाच कडेन ना. समितीन भेटी दिवपाची प्रक्रिया बरीच लिपोवन दवरल्या.
हांंव समितीच्या वांंगड्यांंची भेट घेवन सांंगें मतदारसंंघाचो प्रस्न मांंडटलों. समिती केन्ना आनी खंयच्या गांवांंची पळोवणी करतले, ताची कसलीच कल्पना म्हाका दिवंंक ना अशें मंंत्री आनी सांंगेंचे आमदार सुभाष फळदेसाय हांंणी सांंगलें.
काणकोण मतदारसंंघांत येवपी लोलयें गाव कुशीक काडपाची मागणी आसा. एमओईएफ समितीच्या भेटी विशीं म्हाका कसलीच म्हायती दिवंंक ना, अशें सभापती आनी काणकोणचे आमदार रमेश तवडकार हांंणी सांंगलें.
21 गांवां मदी सत्तरींतले 12, धारबांदोडेंचे 5, सांगेंचे 3 आनी काणकोणच्या एका गांवाचो आस्पाव आसा.
अस्तंत घांट जैव संवेदनशील वाठारांत गोंयचो वाठार 1,247 चौखण किमि आसा. जैव संवेदनशील वाठार निश्चीत जाले उपरांत खणी सयत हेर उदरगतीच्या कार्यावळींचेर बंदी येतली. सत्तरीचो वाठार भायर काडपाची मागणी आमदार देविया राणे ह्याे सेगीत करीत आसात. भुंयपाल हांगा एसीजीएल सारको उद्देग आसा. ह्या गांवचो आस्पाव जैव संवेदनशील वाठारांत जाला. हाका तिणें आक्षेप घेतला. समाज कल्याण खात्याचे मंत्री सुभाष फळदेसाय, आमदार गणेश गांवकार हांणी लेगीत सांगें तशेंच धारबांदोडें म्हालांतले कांय गांव भायर काडपाची मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
