भांगरभूंय | प्रतिनिधी
सेंथील कुमारः ‘थिएटरांनी फिचर फिल्मांचें प्रदर्शनः सोंपेंपणाची समस्या’ विशयाचेर मास्टरक्लास
भांगरभूंय । खबरां मेज
पणजीः चित्रपटांचो आनंद घेवपाक दिव्यांक व्यक्तींची गरज पुराय करचे खातीर सरकारान थिएटरांनी फिचर फिल्मांच्या भौशीक प्रदर्शना वेळार सोंपेपणां विशींच्या मापदंडा खातीर मार्गदर्शक तत्वां अधिसुचीत केल्यांत. तीं स्पस्ट आनी सर्वसमावेशक आसात. तांचे अंमलबजावणे खातीर दिल्ली काळाची मर्यादी योग्य आसा आनी ताचे कडेन संबंदीत खर्च लेगीत सुमारा भायर ना. सोंपेंपण हें खाशेलेंपण न्हय जाल्यार ती एक समाजीक गरज आसा, अशें मत क्यूब सिनेमा टॅक्नॉलॉजीचे जोडसंस्थापक सेंथील कुमार हांणी बुधवारा इफ्फींत उक्तायलें. ‘थिएटरांनी फिचर फिल्मांचें प्रदर्शनः सोंपेपणाची समस्या’ ह्या विशयाचेर आदारीत मास्टरक्लासींत ते उलयताले. दिव्यांग प्रेक्षकांक चित्रपटाचो अणभव बरे तरेन मेळचो हे खातीर तयार केल्ली चित्रलवर्णानांची पुरवण करपी साधनां आनी श्राव्य वर्णन करपी साधनां हांचे सयत विवीध सोंपेंपणाच्या खाशेलपणाचेर सेंथील हांणी भर दिलो. प्रधानमंत्री नरेंद्र मोदी हांचे संकल्पने प्रमाण दिव्यांगजनांक संद आनी सोंपेपण मेळोवन दिवचे खातीर विशेश लक्ष दितात. देशांतली दरेक व्यक्ती सक्षम जावची, समावेशक समाजाची उबारणी जावची, समता आनी आदार हांचे उर्जेन समाजांतलो एकवट वाडचो तशेंच सगळ्यांची सर्वांगी उदरगत जावची हे खातीर आमी यत्न करतात, अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
