भांगरभूंय | प्रतिनिधी
पणजी ः 55 व्या भारतीय आंतरराष्ट्रीय चित्रपट महोत्सवांत जागतिक सिनेमॅटिक समुदायाक येवकार दिलो आनी अमेरिकन वॉरियर ह्या खूब प्रतीक्षीत चित्रपटाचेर उजवाड घालो. गुस्तावो मार्टीन हाणें दिग्दर्शीत केल्लो अमेरिकेंतलो हो प्रेरणादायक सिनेमा भारतीय-अमेरिकन स्थलांतरीत मनशाच्या परिवर्तनकारी प्रवासाचें चित्रण करता.
जे हो आदलो हौशी एमएमए झुजारी आनी माजी गुन्यांवकार, जो एक लुटमार विफल केल्या उपरांत सुटता, हाची आकर्शक कथा ‘अमेरिकन वॉरियर’ हो चित्रपट सादर करता. ताची धैर्याची कृती ताका लोकांच्या नजरेन हाडून आनी नवी आव्हानां मांडून, ताका एक अशक्य थळाव्या नायकांत रुपांतरीत करता. हो सिनेमा फकत रूढिवादांक आव्हान दिताच पूण प्रेक्षकांक आनी समाजांत खोलायेन प्रतिध्वनीत जावन आशेचो संदेश दिता. तशेंच भुमिकेंत प्रामाणीकता आनी खोलाय हाडपी मुखेल अभिनेतो विशी अय्यर हांच्या करिश्मा आनी निर्धाराचेर भर दिता.
पत्रकार परिशदेंत मुखेल अभिनेतो विशी अय्यर, अभिनेत्री टेलर ट्रेडवेल, निर्माते क्रिस्टी कूर्स बीसले आनी राशाना हांची वळख करून दिली. फिल्म दाखोवपाची संद मेळिल्ल्यान उपकार मानून प्रतिनिधींनी कथेची उत्पत्ती आनी ताचो परिणाम हांचे विशीं अंतर्दृष्टी सांगली. एक विद्युतीय टोन सेट करत, मनभुलोवपी ट्रेलर सादर जालो जाणी प्रेक्षकांक काणयेच्या नाजूक, भावनीक सारांत ओडून घेतले.
आपल्या प्रवासाचेर उलयतना विशी अय्यर हांणी आपल्या स्वताच्या जिविताच्या अणभवांत रुजिल्ली ह्या सिनेमा फाटल्यान आशिल्ली खोलायेन वैयक्तीक प्रेरणा उक्ती केली. अर्थीक संकश्टाच्या काळांत लाखांनी डॉलर मोलाचो वेवसाय व्हगडावन आनी बहिश्काराक तोंड दिवन अय्यरान अध्यात्मांत आनी स्वताचो सोद घेवपात सांत्वन सोदलो. भगवद्गीतेच्या उपदेशांतल्यान खास करून अर्जुनाचे कथेंतल्यान ताणें लवचीकपण आनी मोक्ष हांचे कथन संकल्पना तयार केली.
ह्या सिनेमांत मेलिसा ही एकोडी आवय भुमिका करपी टेलर ट्रेडवेलान तिची भुमिका खोलायेन अर्थपूर्ण आसा अशें वर्णन केले. “अमेरिकन वॉरियर मोगाची शक्त आनी दुसरी संद दाखयता” अशें तिणें म्हळें आनी फिल्माचो ऍक्शन आनी भावनीक खोलाय हांचे मदलो समतोल उजवाडाक हाडलो.तिचे खातीर हो सिनेमा फकत शारिरीक झुजांचो न्हय तर मनशाच्या लवचीकपणाची व्याख्या करपी भितरल्या संघर्शांचोय.
वास्तववादाचेर आशिल्ल्या वचनबद्धतेक लागून ह्या चित्रपटाची प्रामाणीकता आनीक वाडटा. झुजाच्या क्रमांत प्रामाणीकपण हाडपा खातीर अय्यारान वेवसायीक यूएफसी झुजाऱ्या खाला खर प्रशिक्षण घेतलें. विशी अय्यरान भावनीक आनी शारिरीक अशा आव्हानांक अखंड निर्धारान तोंड दिवन चित्रपटाच्या जिद्दीच्या संदेशाचेर भर दिलो.
निर्माती राशाना हांणी भारतीय-अमेरिकन लोकांच्या संघर्शांचेर आनी आकांक्षांचेर उजवाड घालून स्थलांतरीत अणभवाचेर चित्रपटाचे केंद्रबिंदू आसा असो भर दिलो. अमेरिकन आनी भारतीय दोनूय प्रेक्षकांमदी ह्या सिनेमाचें आकर्शण जाणून तातूंतल्या लवचीकपण आनी आशेच्या सार्वत्रिक विशयांचेर तिणें भर दिलो. क्रिस्टी कूर्स बीसले ह्या आनीक एका निर्मात्यान चड प्रामाणीक कथन सादर करपा खातीर ग्लॅमरा परस फुडें वचून अमेरिकन जिणेची किरकोळ बाजू दाखोवपाचें म्हत्व स्पश्ट केले.
तशेंच बायल पात्रांक चर्चेंत हाडून परंपरीक कथन बदलपाचो अभिमान निर्मातो पंगडाक आशिल्लो. फायट दोतोराक बायल म्हणून चित्रीत करप ते लिंगांचें समतोल प्रतिनिधीत्व सुनिश्चीत करप मेरेन हो चित्रपट उद्देगीक नेमांक आव्हान दिता आनी प्रेक्षकांक बायलां पात्रां खातीर नव्या शक्यतायांची कल्पना करपाक प्रेरीत करता.
वेगवेगळ्या आंतरराष्ट्रीय महोत्सवांनी ह्या सिनेमाचे स्वागत खूब सकारात्मक जाला, प्रेक्षक ताच्या विशयाक खोलायेन जोडल्यात. चर्चे वेळार ह्या पंगडान प्रदर्शनां वेळारचे काळजाक भिडपी खीण सांगले, तातूंत काणयेंत स्वताच्या जिविताक समांतरता मेळिल्ल्या प्रेक्षकांची भावनीक प्रतिक्रिया सांगली.
अणभवी स्टंट समन्वयक आनी एमएमए वेवसायीक हांचे योगदान सयत पंगडा मदलो सृजनशील सहकार चित्रपटाच्या यशांत म्हत्वाचो घटक आसा अशे फिल्म पंगडांन सांगले. अमेरिकन वॉरियर हें परिवर्तन, धैर्य आनी सांस्कृतीक जोडणीचें एक बळिश्ट कथन म्हणून उदेता. ताचें विशय आडमेळीं हुंपतात, प्रेक्षकांक ताच्या आशेच्या आनी लवचीकपणाच्या सार्वत्रिक संदेशा कडेन खोलायेन जोडपाची संद दिता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
