भांगरभूंय | प्रतिनिधी
अमृतसर, खबरां संस्था ः पंजाबांतल्या अमृतसरांतल्या श्रीगुरू रामदासजी आंतरराष्ट्रीय विमानतळार सुमार देड कोटी रुपयांचें भांगर जप्त केलां. तें दुबयच्यान भारतांत हाडटाले. कस्टम अधिकाऱ्यांनी भांगर हाडपी मनशाची चवकशी सुरू केल्या.
मेळिल्ले म्हायती प्रमाण, काल दुबयच्यान स्पायस जेट विमानांतल्यान दुबावीत अमृतसरांत देंविल्लो. कस्टम चवकशे वेळार तांकां एका मनशाचेर दुबाव आयलो. त्या मनशाची पुराय तपासणी केली तेन्ना ताचे कडेन पेस्ट केल्ले देड कोटी रुपयांचें भांगर मेळ्ळें.
मेटल डिटेक्टर टाळपा खातीर पेस्ट केली तयार
पेस्ट करून भांगराची तस्करी करपाची ही पद्दत सामकी नवी आसा. फाटल्या कांय वर्सां सावन ताचो चड वापर जावपाक लागला. हालींच्या काळांत अशीं जायतीं प्रकरणां उजवाडाक आयल्यात, तेन्ना स्मगलर भांगराची पेस्ट तयार करून कपड्याचेर रंगयतात. ते चकचकीत रंगा सारके दिसता. ही पेस्ट मेटल डिटेक्टरांनी सोदून काडूंक मेळना म्हणून स्मगलर अशें करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
