भांगरभूंय | प्रतिनिधी
नवी दिल्ली, खबरां संस्था ः भारतीय दर्यादेग रक्षकान अंदमान लागसार दर्यांतल्यान 5 टन ड्रग्स जप्त केलां. आतां मेरेन इतलें ड्रग्स जप्त करपाची ही पयलीच खेप, अशें संरक्षण अधिकाऱ्यांनी सांगलें.
नुस्तेमारी बोटींतल्यान हें ड्रग्स जप्त केलां. ह्या प्रकरणाची खोलायेन चवकशी सुरु आसा. उपरांतच हें विशीं पुराय म्हायती दितले अशें संरक्षण अधिकाऱ्यांनी सांगलें.
10 दिसां आदीं 700 कोटी रुपयांचें ड्रग्स जप्त…
भारतीय दर्यादेग रक्षक आनी गुजरात एटीएस हांणी 15 नोव्हेंबराक गुजराताच्या पोरबंदर दर्यादेगे वयल्यान 500 किल ड्रग्स जप्त केल्लें. ताचें मोल 700 कोटी परस चड आशिल्ले. हें विशीं दिल्ली एनसीबीक म्हायती मेळिल्ली. ताचे उपरांत दिल्ली एनसीबीन गुजरात एनसीबी, कोस्ट गार्ड आनी नेव्हीच्या आदारान ड्रग्स लिपयिल्ली बोट आडायली.
11 ऑक्टोबराक दिल्लींत 2 हजार कोटी रुपयांचें ड्रग्स जप्त केल्लें. ड्रग्स स्नॅक्सांच्या पॅकेटांनी लिपोवन दवरिल्लें. तें ड्रग्स दुबयच्यान दिल्लीत पाविल्लें. ऑगस्ट सावन पुलीस ह्या प्रकरणाचो सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
