‘अमर आज मरेगा’ आनी ‘स्वर्गराथ’ सिनेमांत जिवीत, मरण आनी विनोद हांचो अद्वितीय कथांनी अभ्यास

भांगरभूंय | प्रतिनिधी

पणजी ः हांगां जाल्ले पत्रकार परिशदे वेळार अमर आज मरेगा (हिंदी) आनी स्वर्गराथ (आसमी) ह्या दोन चित्रपटांचे कलाकार आनी तंत्रज्ञांनी आंतरराष्ट्रीय चित्रपट महोत्सवांत प्रसार माध्यमां कडेन संवाद सादलो.
पयलेच खेपे दिग्दर्शक रजत लक्ष्मण करिया ‘अमर आज मरेगा’क जीवन दिवपाचो आपलो प्रवास सांगता. कागदाचेर सपन म्हणून सुरू जाल्ली एक काणी करियाचो चित्रपट आयएफएफआय मेरेन पावलो, हें म्हत्वाचें काम ताका आपलो निर्मातो प्रकाश झा आनी राष्ट्रीय चित्रपट विकास म्हामंडळाक (एनएफडीसी) दिता. नवी प्रतिभा दाखोवपाची संद मेळिल्ल्या खातीर करियान उपकार मानले, आनी सिनेमांतल्या नव्या आवाजांक मंच दिवपाचें श्रेय इफ्फी 2024 क दिलें.
मरणाच्या नाजूक विशयाचेर हो चित्रपट सकारात्मक मोडणान हाताळटा. ताचें शीर्षक गंभीर दिसूं येता तरी – “अमर आज मर जायेगा” – ह्या सिनेमान दिल्लो संदेश म्हणल्यार “मरण म्हळ्यार जिविताचो उत्सव.” संपादन प्रक्रियेंत अवचेतनपणान दिसपी जिवीत आनी मरण ह्या विशयांचेर चित्रपटाच्या तत्वगिन्यानी पद्दतीचेर कसो प्रभाव पडला तें दिग्दर्शकान सांगलें.
“म्हज्या ‘आनंद’ सिनेमाची सुरवात ह्या सिनेमांतल्या एका उतारान जाता. मेकिंगाच्या वेळार ताचो हेत संदर्भ दिवंक नासलो तरी संपादन करतना म्हाका कळ्ळें की हो सिनेमा मरणाच्या मुखार जिवीत कशें मनयतात हाचेर उलयता. आयज 15 वर्सां उपरांत लेगीत आमी ह्या सिनेमांचे मीम करतात आनी हांसतात”, अशें सांगून प्रियदर्शन विनोदी फिल्मां खातीर आदर्श अशें तांणी सांगलें.
मरणा सारक्या गंभीर विशयाचेर विनोदाचो उपेग करपी ‘स्वर्गराथ’ फिल्म तयार करतना तांकां कितले आव्हान आशिल्ले तें दिग्दर्शक राजेश भूयन सांगले. विनोदाक जरी चड करून उणे लेखत आसली तरी हो सगळ्यांत कठीण असो प्रकार आसा हाचेर भुयान भर दिलो. लोकांक हांसोवपा वांगडाच जिवीत, मरण आनी समाजीक मुल्यां विशीं विचार उक्तावपाची तांक आशिल्ल्यान ह्या चित्रपटाच्या यशाचें कारण तांणी सांगलें. भुयान ह्या सिनेमाच्या वेवसायीक यशाचेर चिंतन करून आसामाच्या चित्रपट उद्देगाचेर ताचो परिणाम आनी ह्या वाठारांतल्या पारंपारीक ऍक्शन आनी रोमान्साचेर लक्ष केंद्रीत केल्ल्यान तो मुखार वतलो अशे सांगले.
लेखक शांतनु रोमुरिया हाणें स्वर्गराथ व्हॅन चालकाच्या खाशेल्या नदरेन आनी कॉलेजींतल्या विद्यार्थी आनी पुलीस अधिकाऱ्यां सयत पात्रांच्या पंगडा वरवीं जिवीत आनी मरणाचें सार कशें धरता हाचेर भासाभास करता. भारताच्या 2016 वर्साच्या विमुद्रीकरणाच्या फाटभुंयेर तयार केल्लो हो चित्रपट विनोदाचो आनी गंभीर समाजीक विषयाक मेळ घालपी कथा विणटा. ह्या सिनेमाक लागून संभाव्य काळखी विशय कितें तरी विनोदी पूण अर्थपूर्ण रुपांतरीत जालें अशें रोमुरियान सांगलें.
“आमी जायते सिनेमा करतात, पूण सगळ्यांत खोशयेचो खीण म्हणल्यार जेन्ना तुमकां राष्ट्रीय मंचाचेर मान्यताय मेळटा, ताचो अर्थ सगळ्यांनी केलो एक व्हडलें काम केले, काल म्हाका हें सिनेमा हिंदींत करपाची ऑफर मेळ्ळी, आनी आमकां हांगा आपयल्ल्या खातीर इफ्फीचे उपकार आठयता अशें फिल्माचो निर्मातो संजीव नारायण हांणी सांगले.
कोवीड-19 म्हामारीच्या चडांत चड काळांत शुटींग जाल्ल्या आसामी फिचर फिल्माच्या निर्मिती वेळार आपणाक कितली आव्हानां आशील्ली तें स्वर्गराठ निर्माती अक्षता नारायण सांगता. म्हामारीच्या आव्हानात्मक काळांत आडमेळीं आसून लेगीत प्रकल्प पुराय करपाचो अभिमान नारायण हांणी उक्तायलो. कोवीड संकश्टां मुखार वचत रावपाचो घटमूट पटकथा आनी पंगडान केल्ल्या निर्धाराचें प्रतिबिंब ह्या सिनेमाचें यश आसा अशें नारायण हांणी सांगलें. ही कथा प्रेक्षकां मदीं कशी प्रतिध्वनीत जाली आनी सिनेमाची शक्त कशी दाखयली हाचो अभिमान तांणी उक्तायलो.