भांगरभूंय | प्रतिनिधी
कणग्यो खावप भलायके खातीर खूब फायदेशीर. कणग्यो तंतू, जीवनसत्वां आनी खनिजां हांचो उत्कृश्ट स्रोत आसा. तातूंत अँटीऑक्सिडेंट आसता, जीं मुक्त रॅडिकल्साक लागून जावपी लुकसाणा पसून कुडीक राखण दिवपाक मजत करतात. तशेंच ताचो ग्लायसेमिक इंडेक्स बटाट्याचे तुळेंत उणो आसता. जाका लागून रगतांतली साकर नियंत्रणांत उरता.
१. हाडां खातीर फायदेशीर
कणगेंत जीवनस्तव डी आसता, जें हाडां घट करपाक मजत करता. दांत, हाडां, कात आनी मज्जातंतू हांची वाड आनी घट करपास खातीर हीं जीवनसत्वां गरजेचीं आसात.
२. कणग्यो लोखणाचो बरो स्रोत
कणग्यांत लोखणाचें प्रमाण भरपूर आसता. कुडींत लोखणाचो उणाव जाल्यार उर्जा उणी जाता आनी ताचो परिणाम रोगप्रतिकार शक्तीचेरूय जाता. अशा वेळार कणग्यो खाल्यार लोखणाचो उणाव भरुन काडपाक उपेगी पडूं येता.
३. रगतांतली साकर उणी करता
कणग्यांत कॅरोटीनॉयड मेळटा. जें रगतांतली साकर नियंत्रीत करपाक मजत करता. त्याच वेळार तातूंत मेळपी जीवनसत्व बी तशेंच काळजाच्या दुयेंसांक फायदेशीर थारूंक शकता.
४. मूत्रपिंडांक फायदेशीर
कणग्यो हो पोटॅशियमाचो बरो स्त्रोत मानतात. जें तुमची मज्जासंस्था सुदारपाक मजत करता. हाचे वांगडाच मूत्रपिंड निरोगी दवरपाकय ताचो म्हत्वाचो वांटो आसता.
५. रोगप्रतिकार शक्त वाडयता
कणग्यांतले जीवनसत्व ए रोगप्रतिकार शक्त वाडयता. एक कणगी कुडीक 102% जीवनसत्व ए दिता. तशेंच रताळे आंतकड्यांची भलायकी सांबाळटा. जाका लागून हानीकारक रोगजंतू आंतकड्यांनी वचूंक दिना. ताका लागून रोगप्रतिकार शक्त वाडटा.
६. वजन उणें करपाक मजत करता
तंतूचें चड प्रमाण, उणें ग्लायसेमिक इंडेक्स आनी मंद पचन हाका लागून वजन उणें करपाक कणग्यो खावप बरें मानतात. कणग्यो वजन उणें करपाक मजत करता. कणग्यो खाल्यार बरोच वेळ पोट भरिल्ले उरता. हाका लागून बेगीन भूक लागना. देखूनच वजन उणें करपा खातीर कणग्यो खावपाचो सल्लो दितात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
