भांगरभूंय | प्रतिनिधी
शांघाय, खबरां संस्था: तुमी केन्ना रोबोटाचें अपहरण जाल्ल्याचें आयकलां? आनी तें सादें न्हय. कारण तें करपी मनीस न्हय तर तोय एक रोबोटूच. हय, एका धाकटुल्या रोबोटान १२ व्हडल्या रोबॉटांचें अपहरण करपाची घडणूक मुखार आयल्या. ह्या अपहरणाचो व्हिडियो सध्या व्हायरल जाता. तो पळयले उपरांत तुमी अजापीत जातले.
ही घडणूक चीनांतल्या शांघाय शारांत घडल्या. शांघाय रोबोटिक्स कंपनीच्या शोरूमांतल्यान १२ नवे रोबोट चोरयेक गेल्ले. पुलिसांनी हे चोरयेची चवकशी केली तेन्ना भलतेंच मुखार आयलें. ही चोरी न्हय तर अपहरण आशिल्लें. एका ल्हान रोबोटान ह्या १२ रोबोटांचें अपहरण केलां.
सीसीटीव्ही फुटेजांतल्यान ह्या अपहरणाचो अँगल मुखार आयला. आरोपी रोबोटान अपहरण करचे पयलीं त्या १२ रोबोटां कडेन संवाद सादलो. मजगतीं ताणें आपलें नांव Erbai अशें सांगलें.
(व्हिडियो लिनस इकेंस्टेमच्या बरेपणान)
https://x.com/LinusEkenstam/status/1860352247806177660)
उपरांत ताणें त्या १२ जाणांची चवकशी केली. तांकां तांचें नांव विचारलें आनी पत्तोय मागलो. त्या रोबॉटांनी आपलीं नांवां सांगलीं, पूण आमकां घर ना, आमी कंपनीचे इमारतींतूच रावतात अशें सांगलें. मागीर ह्या ल्हानशा रोबोटान तांकां स्वतंत्र घराचें हांयस दाखयलें. ताणें तांकां म्हणलें, म्हजे कडेन व्हडलें घर आसा. तुमकां त्या घरांत रावपाक जाय जाल्यार म्हजे वांगडा येयात. उपरांत ते बाराय रोबोट ताचे फाटोफाट गेले.
आतां हे रोबोट नेमके खंय गेल्यात? ताचो तपास पुलीस करतात. पूण तांचे विशीं अजून कांयच म्हायती मेळूंक ना. मजगतीं, कंपनीन आपले प्रतिस्पर्धी कंपनीं विशीं दुबाव उक्तायला. हे रोबोट हॅक करून ते फारायल्ल्याचो दावो तांणी केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
