भांगरभूंय | प्रतिनिधी
पणजीः 55 व्या इफ्फीच्या तिसऱ्या दिसा नामनेचे संगीत दिग्दर्शक शांतनु मोइत्रा आनी फिल्म दिग्दर्शक, निर्मातो आनी पटकथा लेखक विधू विनोद चोपडा, हांचे खाशेलें मास्टर क्लास सत्र कला अकादमीत जाले. ‘लिविंग मूवीज: फिल्ममेकिंग अँड द क्रिएटिव्ह लायफ’ ह्या विशयाच्या ह्या सत्रा खातीर सभाघरांत गर्दी आशिल्ली.
मोइत्रा हांणी ‘परिणीता’ ह्या सिनेमांतल्या आपल्या फामाद ‘पियू बोले पिया बोले’ गीतान सत्राची सुरवात केली आनी चोपडा हांणी थोड्याच वेळान तांका साथ दिली. अशा मास्टरक्लास संवादांचो स्थापीत नमुनो मोडून, जशें ताणें आपल्या सिनेमांतल्यान जायत्या फावटीं केलां.
आपलो शून्य खीण याद करून चोपडा हांणी तांच्या कारकिर्दीच्या सुरवातीच्या काळांत विजय आनंदाक सांगात करपाच्या आपल्या सपनाची काणी सांगली. आनंदाच्या लागींच्या कोणे तरी तांकां आनंदा वांगडा भेट घालून दिवपाचें आश्वासन दिल्ले. त्या उतरान ताका म्हयनोभर वाट पळयत दवरलो; पूण ते विशींचें पत्र केन्नाच पावलें ना अशें तांणी सांगलें.
एनएफडीसीच्या अर्थीक पालवान तयार केल्ल्या ‘खामोश’ ह्या पयल्या चित्रपटाक लागून ताका सिनेमाचें मार्केटींग करपाच्या आव्हानांक कशें तोंड दिवचें पडलें तें श्री चोपडान सांगलें. एनएफडीसीच्या धोरणांप्रमाण तो तशें करपाक अपेशी थारलो जाल्यार फुडल्या उपक्रमाक ताका कसलीच मजत मेळची ना असो नेम आशिल्लो. नामनेचे दिग्दर्शक, वितरकांनी ह्या सिनेमाची तोखणाय केली, पूण बरी खबर घेवन परतून फोन वाजलो ना. निमाणें ताकाच ह्या सिनेमाचो वितरक जावचो पडलो.
फिल्म उद्देगांत तेन्नाचे प्रवाह विचारांत घेतल्यार ‘परिणीता’ वेळार संगीत लोकप्रिय जावपाची शक्यताय आसा हाचेर दुबाव आशिल्लो. तेन्ना विध चोपडा हांकां जावन म्हाका फुडल्या तीन व्हीसीएफ उद्देगां खातीर सायन केले. येस वा अपेस जावचे पयलीं लेगीत विधून आपल्याक साथ दिली आनी हीच विधू विनोद चोपडाची वळख आसा” अशें मोइत्रा हांणी आपली काणी सांगताना मोगान उगडास केलो.
मोइत्रा हांणी चोपडा कितलो कठीण टास्कमास्टर आसा हाचेरय भर दिलो. प्रेक्षकां खातीर चोपडाचें चरित्र चित्रण करतना तांणी सांगले, ‘विनोद खंय वचपाक सोदता तें ताका कळना, पूण खंय उबो रावपाक जायना तें ताका खात्रीन खबर आसा’. हो विधूचो गूण ताचे आनी वांगडा काम करपी हेरांचें जिवीत कशें दयनीय करता असो विनोद करपाची संद मोइत्रा हांणी चुकयली ना.
नवोदित फिल्म निर्मात्यां खातीर वेवसायीक संभाव्य समजून घेवप गरजेचें आसा काय ना ह्या विशयाचेर चोपडा हांणी आपली नापसंती धिटायेन उक्तायली . ‘हांव फकत तोच सिनेमा करतां, जाचेर हांव विस्वास दवरतां’ अशें म्हणत ‘एंटरटेन-एज्युकेट-एलिव्हेट: ह्या 3 ईची तत्त्वां आमी व्हीसीएफांत पाळटात अशे ताणें सांगलें.
स्वता फिल्म निर्मिती करतना फिल्म दिग्दर्शका वांगडच्या ताच्या संबंदां विशी चोपडा हांणी म्हणलें, हांव दिग्दर्शकाचेर विस्वास दवरना, मनशाचेर विस्वास दवरतां.
ह्या सत्रांत विधू विनोद चोपडा आनी शांतनू मोइत्रा हांणी एकठांय येवन जिवीत तत्वगिन्यानाचें प्रात्यक्षिक केले. जें तांच्या सिनेमांतल्यानूय चित्रीत जाता
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
