भांगरभूंय | प्रतिनिधी
लखनौ, खबरां संस्था ः युपींतल्या डिजिटल अरेस्ट कर वसुली प्रकरणांत आंतरराष्ट्रीय गटाचो आस्पाव आशिल्ल्याचे उक्ताडार जाला. यूपी एसटीएफच्या म्हणण्या प्रमाण हो सायबर गट चीनी गुन्यांवकार कंबोडियातल्यान चलयतात. हे टोळयेंत १०० भारतीयां सयत पाकिस्तानी आनी नेपाळी नागरिकांचोय आस्पाव आसा. वसुली उपरांतची रक्कम 30% कमिशनाच्या आदारान वेगवेगळ्या खात्यांत धाडटात. उरिल्ली ७०% रक्कम क्रिप्टोकरंसींत रुपांतर करून परदेशांत धाडटात.
एका प्रकरणांत यूपी एसटीएफान 6 जाणांक अटक केल्या. टोळयेन पीजीआयच्या न्यूरोलॉजी विभागांतल्या दोतोराक 2.81 कोटी रुपयांची तोपी घाली. अटक केल्ल्या लोकां कडल्यान लुटिल्ले पयशे घालपाक हे टोळयेन आतां मेरेन 500 बँक खात्यांचो वापर केलो अशें चवकशेंतल्यान स्पश्ट जालां. पुलीस फुडलो तपास करतात.
लुटिल्ले 48 लाख 178 खात्यांत ट्रान्सफर
टोळयेन लखनौंतले डॉ. अशोक सोळंकी हांकां बेकायदेशीर सामानाचे पार्सल धाडिल्ल्याच्या नांवांन डिजिटल अरेस्ट केलें. दोतोराच्या दोन खात्यांतल्यान 48 लाख रुपया जमा केले. उपरांत हे पयशे सुमार 78 बँक खात्यांत ट्रान्सफर केले. लुटपाचे पयशे एका खात्यांत हस्तांतरीत करपा खातीर 4-5 स्टॅप्स पाळटात अशें चवकशेंत दिसून आयलें. तातूंत उणें 30- 40 खात्यांचे प्रयोग करतात. युपीचे मंत्री नंद गोपाल नंदी हांचे कंपनी खात्यांतल्यान 2.08 कोटी रुपया लुटिल्ले जे 100 खात्यांत हस्तांतरीत जाले. तीन खात्यांतल्यान अमेरिकेंत क्रिप्टोकरंसी विकत्यो घेतल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
