भांगरभूंय | प्रतिनिधी
मुंबय, खबरां संस्था ः विकसित भारताच्या व्हिजन खाला 2047 मेरेन देशांतल्या सगळ्या नागरिकांक भलायकी विमो संरक्षण दिवपाचे आनी कॅशलेस उपचार सुविधा दिवपाचे यत्न सुरू आसात. शुक्रारा ह्या माळेंत मेडी असिस्ट हेल्थकेयर आनी बोस्टन कन्सल्टिंग ग्रुप (BCG) हांणी ‘बॉर्डरलेस हेल्थ’ ही संकल्पना मांडली. भलायकी सेवांतली सगळ्या प्रकारची असमानता पयस करून सगळ्या नागरिकांक उच्च दर्जाची आनी सुलभ भलायकी कव्हरेज सुनिश्चीत करप हो ताचो हेत आसा.
मुंबयच्या जियो वर्ल्ड कन्व्हेंशन सेंटरांत संरक्षण शिखर परिशद, 2024 वेळार एक अहवाल जाहीर जालो. ह्या वेळार इस्रोचे अध्यक्ष डॉ. एस. सोमनाथ आनी पूर्णवेळ दिग्दर्शक विक्रम जीत सिंग चटवाल हाजीर आशिल्ले. भारतांतल्या सगळ्यांक बरी भलायकी सेवा मेळची अशी नवी येवजण ह्या अहवालांत मांडल्या. ताका ‘बॉर्डरलेस हेल्थ’ अशें नांव दिलां.
खंयच्याय सुवातेर, खंयच्याय वेळार मोबायलचेर भलायकी सेवा…
लोकांक जाय तेन्ना खंयच्याय सुवातेर मोबायल वरवीं भलायकी सेवा मेळटली. एआय आनी ऑटोमेशन सारकिल्ल्या तंत्रज्ञानां सयत डेटा आदारीत मॉडेल तयार करतले. हाका लागून दुयेंती, हॉस्पिटल आनी विमो कंपनीं मदीं समन्वय निर्माण जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
