भांगरभूंय | प्रतिनिधी
कारवार, खबरां संस्था: गोंयांत मजा मारून परत आपल्या गांवां परतुपी कर्नाटकांतल्या पर्यटकांक गोंय-कारवारचे शिमेवेल्या माजाळी चेकपोस्टार आडयले. अबकारी अधिकार्यांनी बसींत आशिल्ल्या प्रवाशांच्या सामानाची तपासणी केली तेन्ना सगळ्यांत पयलीं एकल्या कडल्यान तांकां दोन सोर्याच्यो बाटल्यो सांपडल्यो. उपरांत सगळ्या प्रवाशांची तपासणी करपाचो निर्णय घेतलो. तेन्ना अन्नपूर्णेश्वरी ट्रॅव्हल्सचे बसींतल्यान गोंयचो वट्ट ७७ लिटरांचो सोरो तशेंच ४ लिटरांची बिअर जप्त केली.
हे विशीं अबकारी खात्याच्या अधिकार्यांनी बसीच्या चालका आड बेकायदेशीर सोरो येरादारीक उर्बा दिल्ले खातीर गुन्यांव नोंद केलो. तशेंच सोरो आनी वाहन अशें मेळून २६ लाख १२ हजार रुपयांचें सामान जप्त केलें. माजाळी अबकारी उपनिरीक्षक नागराज कोटगी हांणी पंगडा सयत ही कारवाय केली. फाटींच कर्नाटकाच्या मुख्यमंत्र्यान अबकारी विभागाची बसका घेवन गोंयच्यान जावपी सोरो तस्करी प्रकरणांत गोंयचे शिमेर खर तपासणी करपाचे तशेंच कारवाय करपाचे आदेश दिल्ले. हे खातीर विंगड विंगड सुवातांचेर चेकपॉयंट उबारले. येवपी- वचपी वाहनांची तपासणी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
