भांगरभूंय | प्रतिनिधी
फोंडाः फोंडें म्हालांत एका मनशान एके तरणाटे वांगडा लग्न करता म्हणून रजिस्ट्रेशन केलें. पयली सय जाले उपरांत तो चलयेच्या घरा वचपाक लागलो. थंय रावपाक लागलो. हे मजगतीं तांचे मदीं प्रेम संबंद निर्माण जाले. उपरांत दुसरीय सय जावन कायदेशीर प्रक्रिया पुराय जाली. कांय दिसांनी लग्न जावपाचें आशिल्लें. मात ताचे पयलींच न्हंवरो फाटीं सरलो. आपल्याक घटस्फोट घेवपाचो आसा अशें सांगपाक लागलो.
न्हवर्यान आपलो रंग बदलतांच भियेल्ले चलयेन निमाणी पुलिशेंत कागाळ केली. फोंडें पुलिसांनी ह्या आरोपीक अटक केल्या..
२२ वर्सांचे तरणाटेन ह्या मनशाचेर कागाळ केल्ल्यान पुलिसांनी गुन्यांव नोंद केलो. पुलिसांनी त्त्या मनशाक बिरेस्तारा अटक केली. ताचेर लग्नाचें हांयस दाखोवन फटयल्ल्याचे, लैंगीक अत्त्याचार केल्ल्याचे आरोप नोंद केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
