भांगरभूंय | प्रतिनिधी
पणजी : गोंयांत सायबर गुन्यांव दिसान दीस वाडतूच आसात. आतां मेरेन गोंयचे खुबशे लोक ह्या सायबर गुन्यांवांक बळी पडल्यात. असल्या गुन्यांवकारांक लागून लोकांनी आपले लाखांनीच न्हय तर कोट्यांनी पयशे वगडायल्यात. हेच फाटभूंयेर गोंय पुलिसांच्या सायबर विभागान आपल्या सुसज्ज यंत्रणां वरवीं खुबश्या जाणांक न्याय मेळोवन दिवपाची म्हत्वाची भुमिका केल्या.
सायबर गुन्यांव विभागान फाटल्या कांय म्हयन्यांनी सायबर गुन्यांवां खाला वट्ट १५२ मोबायल क्रमांक ब्लॉक केले. ह्या मोबायल नंबरां वरवीं लोकांक फटोवन तांचे कडल्यान पयशे घेवपा सारक्यो गजाली गोंयांत चालू आशिल्ल्यो. गोंय पुलीस अत्याधुनीक यंत्रणां वरवीं सदांच सायबर घोटाळ्यांचेर लक्ष दवरूनच आसता. येवपी काळांतूय सायबर गुन्यांवांनी आसपाव आशिल्ल्यांचेर खर कारवाय चालूच उरतली अशें पुलिसांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
