भांगरभूंय | प्रतिनिधी
‘आय वॉन्ट टू टॉक’ आयज प्रदर्शीत
अभिषेक बच्चन अभिनीत ‘आय वॉन्ट टू टॉक’ आयज प्रदर्शीत जाता. ह्या चित्रपटांत अभिषेक वेगळ्या भुमिकेंत दिसतलो. ट्रेलराक प्रेक्षकांचो बरो प्रतिसाद मेळ्ळा. चित्रपटाक कितलो मेळटा, हाचेर अभिषेकाचे येस थारतले. सध्या थेटरांनी सिंघम अगेन आनी भुलभुलैया 3 चित्रपट चालू आसात. तशेंच म्हयनो सोंपपाक पावला, ते फाटभुंयेर अभिषेकाच्या चित्रपटा मुखार येस जोडपाचे आव्हान आसा. पिकू सारखो हलको फुलको चित्रपट काडपी सूरजीत सरकाराचे ह्या चित्रपटाक दिग्दर्शन लाबलां.
अजय देवगणाचो ‘नाम’ आयज प्रेक्षकांचे भेटेक
अजय देवगणाचो नाम चित्रपट निमाणे थेटरांनी येता. धायेक वर्सां वेगवेगळ्या कारणांक लागून आडकल्लो हो चित्रपट कांय थेटरांनी प्रदर्शीत जाता. हो एक सस्पेन्स थ्रिलर चित्रपट आसा. अजय देवगणाची हातूंत बहुरंगी भुमिका आसा. ताचे बरोबर समिरा रेड्डी, राहुल देव, राजपाल यादव हांचीय म्हत्वाची भुमिका आसात.
अजय देवगणाचो सिंघम अगेन चित्रपट सध्या बरो चलता, ते फाटभुंयेर ह्या चित्रपटाकूय येस मेळपाक शकता, अशें चित्रपट तज्ञांक दिसता. ह्या चित्रपटाचे दिग्दर्शन अनीज बजमी हांणी केलां.
‘पुष्पा 2’ तिकेटीचे दरांत 233 टक्क्यांनी वाड
‘पुष्पा 2’ चित्रपट 5 डिसेंबराक थेटरांनी येता. ह्या चित्रपटाचे बजेट झटपट भरून काडपा खातीर तिकेटीचे दर 233 टक्क्यांनी वाडोवपाचो निर्णय जालां म्हूण सुत्रां सांगतात. पुष्पा चित्रपटाक मेळिल्ल्या प्रतिसादा उपरांत आनी हालीं येवपी अॅक्शनपटांक मेळपी प्रतिसाद पळोवन पुष्पा 2 चित्रपट करतना घे म्हूण खर्च केलां. चित्रपटाचे बजेट 500 कोटींचे आसा अशी म्हायती आसा. अल्लू अर्जुनाची क्रेज, वेगळी अॅक्शन आनी नवें-पोरणें व्हिलन सगलें मेळून टॉप क्लास मसाला चित्रपट तयार केला, अशें चित्रपटाचो ट्रेलर पळोवन तरी दिसता. तिकेटीचे दर 233 टक्क्यांनी वाडल्यार जोडीचो नवो विक्रम जावपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
