भांगरभूंय | प्रतिनिधी
कर्मचारी भरती आयोग एलडीसीचीं 232, ज्युनियर स्टेनोग्राफराचीं 53 पदां भरतलो
भांगरभूंय । प्रतिनिधी
पणजीः राज्य कर्मचारी भरती आयोगा कडल्यान विवीध खात्यांत एलडीसी/ रिकव्हरी क्लार्क आनी ज्युनियर स्टेनोग्राफर मेळून 285 पदां खातीर जायरात दिल्या. गोंयांत नोकरे खातीर पयशे दिवपाची प्रकरणां गाजतात, हे फाटभुंयेर ही जायरात दिल्या. ऑनलायन पद्दतीन सगळे अर्ज सादर करचे खातीर 13 डिसेंबर 2024 मेरेन अर्ज सादर करचे पडटले.
1925 रितीं पदां भरचे खातीर बेगिनूच जायराती दितले, अशें सरकारान स्पश्ट केल्लें. ते उपरांत जारी जाल्ली ही पयली जायरात आसा.सीबीटी परिक्षेंतल्या गुणांच्या आदारान गुणवत्ता यादी जाहीर केल्या.
34 खात्यांनी एलडीसी/ रिकव्हरी क्लार्क
एलडीसी/ रिकव्हरी क्लार्कां खातीर (निम्न पांवड्यार कारकून) 34 खात्यांत मेळून 232 पदां जाहीर जाल्यांत. ह्या 232 पदांतलीं 129 पदां सर्वसामान्य गटा खातीर आसात. उरिल्लीं एसटी खातीर 27, एससी खातीर 2, ओबीसी खातीर 52 आनी अर्थीक नदरेन मागास (ईडब्ल्यूएस) खातीर 22 सुवातो आसात.
आदिवासी कल्याण 2, प्रोसिक्युशन 2, कुशळटाय विकास 3, येरादारी 2, बंदखण निरिक्षकालय 9, पुराभिलेख 1, वजन माप 1, उच्च शिक्षण संचालनालय 10, दांत म्हाविद्यालय 2, ग्रामीण विकास 2, शिक्षण 16, म्हायती आनी प्रसिद्धी 6, तांत्रीक शिक्षण 21, छपाय आनी मुद्रण 2, भुसर्वेक्षण 22, शेती 7, वीज 14, जिल्होधिकारी (दक्षीण) 15, मुख्य वेंचणूक अधिकारी 3, फॅक्टरी आनी बाश्पक 3, पर्यटन 7, राज्य नोंदणी आनी नोटरी सेवा 3, वेवसायीक कर 5, दक्षता 12, पर्यावरण आनी हवामान बदल 1, नियोजन आनी सांख्यिकी 16, पुलीस 17, उद्देग आनी वाणिज्य 4, भौशीक गाराणी 3, म्हायती तंत्रज्ञान 3, नागरी पुरवण 1, खेळां आनी युवा वेव्हार 5, लेखा संचालनालय 5.
20 खात्यांनी स्टेनोग्राफर
ज्युनियर स्टेनोग्राफराची गोंय सदना सयत 20 खात्यांत 53 पदां भरचे खातीर जायरात दिल्या.
येरादारी 1, समाज कल्याण 1, उच्च शिक्षण 1, ग्रामीण विकास 1, गोरवां सांबाळ आनी पशू चिकित्सा सेवा 1, उदकास्रोत 10, तंत्रीक शिक्षण 6, म्हायती आनी प्रसिद्धी 5, जिल्होधिकारी (दक्षीण) 5, वेवसायीक कर 1, पर्यटन 1, दक्षता 5, उद्देग आनी वाणिज्य 1, पुलीस 4, नियोजन आनी सांख्यिकी 3, लघू बचत आनी लॉटरी 1, म्हायती तंत्रज्ञान 1, लेखा संचालनालय 1, गोवा सदन 1.
ज्युनियर स्टेनोग्राफर पदा खातीरच्या 53 सुवातांतल्यो 31 सुवातो सर्वसामान्य गटा खातीर आसात. एसटी खातीर 9, एससी खातीर 0, ओबीसी खातीर 9 जाल्यार अर्थीक नदरेन मागास (ईडब्ल्यूएस) खातीर 4 सुवातो राखीव आसात. गोवा सदनांतली 1 सुवात सर्वसामान्य गटा खातीर आसा.
इत्सुकांनी ऑनलायन पद्दतीन 13 डिसेंबर 2024 मेरेन अर्ज सादर करचे पडटले. अर्ज भरचे खातीर गरजेच्यो सुचोवण्यो, पात्रताय, शुल्क तशेंच परिक्षेचो अभ्यासक्रम हाची पुराय म्हायती वॅबसायटीर उपलब्ध आसा.
अर्जां खातीरचें शुल्क
एलडीसी (लेवल 2) पदा खातीर अर्जाचे शुल्कः सर्वसामान्य गटा खातीर 200 रुपया, एससी/ एसटी खातीर 50 रुपया, ओबीसी खातीर 100 रुपया, दिव्यांगां खातीर 50 रुपया जाल्यार ईडब्ल्यूएस खातीर 100 रुपया. ज्युनियर स्टेनोग्राफर (लेवल 4) पदा खातीर अर्जाचें शुल्कः सर्वसामान्य गटा खातीर 400 रुपया, एससी/ एसटी खातीर 100 रुपया, ओबीसी खातीर 200 रुपया, दिव्यांगां खातीर 100 रुपया आनी ईडब्ल्यूएस खातीर 200 रुपया.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
