प्रसार भारती ओटीटी मळार

भांगरभूंय | प्रतिनिधी

‘व्हेवज’ प्लॅटफॉर्माचें इफ्फींत जालें उक्तावण

पणजी ः गोंयांत चलपी आंतरराष्ट्रीय चित्रपट महोत्सवाच्या उक्तावण सुवाळ्यांत मुख्यमंत्री डॉ. प्रमोद सावंत हांणी ‘व्हेवज’ (WAVES) ह्या ‘प्रसार भारती’च्या ओटीटी प्लॅटफॉर्माचें उक्तावण केलें. ह्या वेळार म्हायती आनी प्रसारण मंत्रालयाचे सचीव संजय जाजू आनी हेर मानेस्त हाजीर आशिल्ले.
भारताचे प्रतिकात्मक भौशीक प्रसारक- दूरदर्शनान डिजिटल स्ट्रीमिंग सेवांच्या वाडत्या मागणेची पूर्तताय करपा खातीर ओटीटी (ओव्हर-द-टॉप) प्लॅटफॉर्म मळार पावल घालां. क्लासिक सामुग्री आनी समकालीन प्रोग्रामिंगचे समृद्ध मिश्रण ऑफर करून आधुनीक डिजिटल ट्रेंड आपणायतना यादी पुनरुज्जीवित करपाचो ह्या प्लॅटफॉर्मचो हेत आसा. ह्या प्लॅटफॉर्मार रामायण, महाभारत, शक्तिमान आनी हम लोग सारकिल्ले शो आशिल्ल्या लायब्ररीक लागून भारताच्या भूतकाळा कडेन सांस्कृतीक आनी भावनीक संबंद सोदपी प्रेक्षकांक हो प्लॅटफॉर्म आकर्शीत करता. ते भायर हो प्लॅटफॉर्म, खबरो, डॉक्युमेंटरी आनी प्रादेशिक सामुग्री उपलब्ध करता, जाका लागून समावेशकता आनी विविधताये विशीं ताची वचनबद्धताय बळकट जाता. दशकां सावन चलत आयिल्ल्या दायजाचो आनी राष्ट्रीय विस्वासाचो लाव घेवन दूरदर्शनाचो ओटीटी प्लॅटफॉर्म पारंपारीक दूरचित्रवाणी आनी आधुनीक स्ट्रीमिंग हांचे मदले अंतर उणे करता, तशेंच तंत्रज्ञान जाणकार तरणाट्यां मेरेन आनी जाण्ट्या पिळगे मेरेन पावता.

भारतीय संस्कृतायेक आपणावपी ओटीटी
‘व्हेवज’ हिंदी, इंग्लीश, बंगाली, मराठी, कन्नड, मलयाळम, तेलुगू, तमिळ, गुजराती, पंजाबी, आसामी अश्या 12 परस चड भाशांनी समावेशक भारतांतल्या कथां सयत भारतीय संस्कृतायेक आंतरराष्ट्रीय दिश्टीकोनातल्यान आस्पावन घेवपी व्हड ओटीटी म्हूण मुखार आयला. तो 10 परस चड इन्फोटेनमेंटाच्या प्रकारांत उपलब्ध आसतलो. तातूंत व्हिडियो ऑन डिमांड, फ्री-टू-प्ले गेमिंग, रेडिओ स्ट्रीमिंग, लाइव्ह टीव्ही स्ट्रीमिंग, 65 लाइव्ह चॅनल, व्हिडिओ आनी गेमींग सामुग्री खातीर जायते ॲप आनी ओपन नेटवर्क फॉर डिजिटल कॉमर्स (ओएनडीसी) आदारीत ई -वाणिज्य माची वरवीं ऑनलायन शॉपिंगाची तजवीज आसा.
सृजनशील अर्थवेवस्थेंतल्या तरणाट्या निर्मात्यांची क्षमता वाडोवपा खातीर ‘व्हेवज’ एक जाणीवपूर्वक पावल म्हूण कामिया जानी, आरजे रौनक, श्रद्धा शर्मा आनी हेर सारकिल्ल्या राष्ट्रीय पुरस्कार फावो जाल्ल्या निर्मात्यां सयत कंटेंट निर्मात्यांकय आपलें प्लॅटफॉर्म उपलब्ध करता. ‘व्हेवज’ हांणी विद्यार्थी ग्रेड फिल्मां खातीर, आनी एफटीआयआय, अन्नपूर्णा, एएएफटी सारकिल्या फिल्म आनी मिडिया कॉलेजीं खातीर आपलें पोर्टल उक्तें केलां.

‘व्हेवज’ वयले शो दाखयतले इफ्फींत…
इफ्फी 2024 ह्या यंग फिल्म मेकराच्या विशयाक जुळोवन; अन्नपूर्णा फिल्म आनी मिडिया स्टुडिओचो नागार्जुन आनी अमला अक्किनेनी हांणी तयार केल्लो रोल नंबर 52 हो स्टुडंट ग्रेड फिल्म वेव्हजाचेर दाखयतले.
1980 च्या दशकाचो शाहरुख खान हांचो शो ‘फौजी’चें आधुनीक रुपांतर ‘फौजी 2.0’, दिग्दर्शक संदीप सिंग दाखयतले आनी तातूंत गौहर खान हांची भूमिका आसा. ऑस्कर विजेतो गुनीत मोंगा कपूर आपलो समाजीक बदलाचो चित्रपट ‘किकिंग बॉल्स’ दाखयतली जो भुरग्यांच्या लग्नाच्या सत्य काणयेचेर आदारीत आसा. जॅक्सन हाल्ट हो क्रायम थ्रिलर निर्माती नीतू चंद्रा प्रदर्शित करतल्यो आनी मोबायल शौचालयांचो समाजीक संदेश दिवपी ‘जाइये आप कहा जायेंगे’ हो चित्रपट संजय मिश्रा दाखयतले.
‘व्हेवज’ हातूंत अयोध्या कडल्यान प्रभु श्री राम लल्ला आरती लायव्ह आनी प्रधानमंत्री नरेंद्र मोदी हांची म्हयन्याळी कार्यावळ ‘मन की बात’ सारकिल्ले लायव्ह इव्हेंट आस्पावीत आसात. येवपी अमेरिकेची प्रिमियर लीग क्रिकेट सर्त 22 नोव्हेंबर सावन ‘व्हेवज’ चेर लायव्ह प्रसारीत जातली. तशेंच ‘व्हेवज’ हांणी सीडीएसी, MeitY हांचे वांगडा भागीदारी करून डेली व्हिडिओ संदेशां सयत सायबर सुरक्षा जागृताय मोहीम सुरू केल्या. हे मोहिमेक सायबर क्रायम की दुनिया (एक काल्पनीक मालिका) आनी सायबर अलर्ट (डीडी न्यूज वैशिश्ट्यां वरवीं) अशा कार्यावळींचो आदार आसा.
‘व्हेवज’ चेर आनीक कांय चित्रपट आनी शो म्हळ्यार फॅन्टासी ऍक्शन सुपर हीरो मंकी किंग द हीरो इज बॅक, राष्ट्रीय पुरस्कार विजेतो चित्रपट फौजा, अरमान, विपुल शाहाचो थ्रिलर शो भेद भरम, कुटुंबीक नाटक थोडे दूर थोडे पास, पंकज कपूर, कैलाश खेर हाचो संगीत रियलिटी शो भारत का अमृत कलश, सरपंच, बी क्युबड बाय हॉटमेल फॉउंडर सबीर भाटिया, बायलां केंद्रीत शो आनी चित्रपट, कॉर्पोरेट सरपंच, दशमी, आनी करियाथी, जांकी तशेंच डॉगी एडव्हेंचर, छोटा भीम, तेनालीराम, अकबर बिरबल, आनी कृष्ण जंप, फ्रूट शेफ, राम द योधा, क्रिकेट प्रिमियर लीग सर्त सारकिल्ले खेळ अशें लोकप्रिय एनिमेशन कार्यावळींची मेजवानी ‘व्हेवज’ करता.
‘व्हेवज’ चेर दूरदर्शन, आकाशवाणी, आनी खबरो, सामान्य मनरिजवण, संगीत, भक्ती, खेळ अशा जायत्या वर्गांतल्यान खाजगी चॅनल सयत लायव्ह चॅनल आसात.
केंद्र सरकाराचे मंत्रालय आनी राज्यांय प्रसार भारती वांगडा हात मेळोवन अर्थपूर्ण संदेशांचें प्रभावी वाहन म्हणून डॉक्यूड्रामा, नाटकी वा काल्पनीक शो, मनरिजवणेच्या दर्ज्याचे रियलिटी शो अशें विंगड विंगड आशय सह-विकसीत करतात वा ताचे खातीर योगदान दितात. ‘व्हेवज’ फकत प्रसार भारती खातीर न्हय तर डिजिटल माध्यमां आनी ओटीटी प्रेक्षकां खातीर, एक पुराय इकोसिस्टम म्हूण व्हडलें पावल आसा.