भांगरभूंय | प्रतिनिधी
काणकोण: श्रीराम 14 वर्सां वनवासांत रावले. त्या वेळार तांची सेवा वनवासी लोकांनी केली. हनुमान, शबरी, घटोतकच हांचो इतिहास लोकां मुखार येवंक जाय. प्रधानमंत्री नरेंद्र मोदी हांकां लागून भारतांत आदिवासी समाजाक राष्ट्रपती, केंद्रांत आठ मंत्री, तीन राज्यपाल मेळ्ळे. जाल्यार देशाच्या स्वातंत्र्यां उपरांत व्हड सेनानी बिरसा मुंडा हांची जयंती लेगीत नरेंद्र मोदी हांचे प्रेरणेनूच सुरू जाली अशें आदिवासी कल्याण खात्याचे केंद्रीय राज्य मंत्री दुर्गादास उकेई हांणी सांगलें.
ह्या वेळार माचयेर काणकोणचे आमदार आनी सभापती रमेश तवडकार, आदिवासी कल्याण खात्याचे संचालक दशरथ रेडकार, एस.सी, एस.टी. कमिशनाचे अध्यक्ष दीपक करमलकार, अंकुश गांवकार, नगरसेवक हेमंत नायक गांवकार, सायमन रेबेलो, अमिता पागी, सरपंच सेजल गांवकार, जिल्हो पंचायत वांगडी शोभना वेळीप, उपजिल्होधिकारी मधू नार्वेंकार, दक्षीण गोंय जि.पं अध्यक्ष संजना वेळीप, खुशाली वेळीप हाजीर आशिल्ले.
मुखार उलयतना उकेई हांणी सांगलें, देशाक स्वातंत्र्य दिवपा खातीर वनवासी लोकांचो मोटो हातभार आसा.
रमेश तवडकार हांणी सांगलें, भगवान बिरसा मुंडाचे वारस आसून लेगीत आमी फाटीं रावनासतना मुखार सरूंक जाय. रेलीक लागून भगवान बिरसा मुंडाचें कार्य लोकां मेरेन पावलें. अंदूंच्या लोकोत्सवा खातीर 3 लाख लोकांक निमंत्रण पत्रां दितले. बिरसा मुंडा यात्रे निमतान जांणी जांणी सहकार्य केलां ताचें ह्या वेळार तवडकार हांणी उपकार मानले.
ह्या वेळार दीपक करमलकार हांचेंय उलोवप जालें. तांणी केंद्रीय मंत्री उकेई हांचो शाल, श्रीफळ दिवन भोवमान केलो.
कार्यावळीचें सुत्रसंचालन संजय तवडकार हांणी केलें जाल्यार अभिजीत जांभळे हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
