भांगरभूंय | प्रतिनिधी
काकोडें- कुडचडेंच्या श्रीअष्टविनायक लिंगदेव आरती मंडळा वतीन ‘घुमट द्वंद’ ही चवथी अखील गोंय घुमट आरती सर्त आयोजीत केल्या. आयतारा २४ नोव्हेंबराक काकोडेंच्या श्रीमहादेव मंदिराच्या सभामंडपांत सांजेवेळार ५:३० वरांचेर ती सुरू जातली.
—
पर्यें- सांखळेच्या गोवा इन्स्टिट्यूट ऑफ मॅनेजमेंटच्या सेंटर फॉर सोशल सेन्सिटिव्हिटी अँड ऍक्शन (सीएसएसए) वतीन शुक्रार, २२ नोव्हेंबराक सकाळीं ९.४५ ते सांजेवेळार ५.३० वरां मेरेन जीआयएम कॅम्पसांत ‘टेक्नॉलॉजी फॉर सोसायटी:शाश्वत उदरगती खातीर तंत्रज्ञानाचो लाव’ ह्या विशयावेली वर्सुकी राष्ट्रीय परिशद आयोजीत केल्या.
—
मोरजे शुक्रारा २२ नोव्हेंबराक ३.३० वरांचेर कळसदेव मांगर सभाघरांत मोरजी कलानिकेतन आनी मोरजे भौशीक गणेशोत्सव विश्वस्त मंडळाच्या पालवान पुस्तक प्रकाशन सुवाळो जातलो.
—
सत्तरी तालुक्यांत भलायके विशीं जागृताय निर्माण करपा खातीर १ डिसेंबराक आमशेकार मॅरेथॉन कार्यावळ आयोजीत केल्या. ही मॅरेथॉन फाटल्या स वर्सां सावन घडोवन हाडटात.
—
फाटल्या २५ वर्सां सावन गोमंतक मराठी भाशा परिशद फोंडें गोंय, स. प्रो. बाळकृष्ण वामन सावड्डेंकार मराठी वक्तृत्व सर्तीचें आयोजन करता. २० नोव्हेंबर ते २२ डिसेंबर मेरेन हे सर्तीची म्हाल पांवड्यार फेरी घेतले. निमाणी फेरी मंगेशींच्या वागळे हायस्कुलांत २२ डिसेंबराक सकाळच्या ९ वरांचेर घेतले. दिवचले केंद्रांत ही सर्त ३० नोव्हेंबराक जातली. हे सर्ती विशीं चड म्हायती खातीर दिवचल केंद्र मुखेली कालिदास उमर्ये (९९७५९६२९५१) हांचे कडेन संपर्क करचो असो उलो आयोजकांनी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
