भांगरभूंय | प्रतिनिधी
नाल्ल, आलें जालें म्हारग, कांदो सवाय
भांगरभूंय । प्रतिनिधी
पणजीः सप्टेंबराक लसणीचे दर 600 रुपया मेरेन पाविल्ले. दोन म्हयन्यांनी परतून एकदां लसूण 600 रुपयांचेर पावल्या. सोमारा पणजी बाजारांत लसूण आकारा प्रमाण 550 ते 600 रुपयांनी कील मेळटाली. जाल्यार आले 20 रुपयांनी म्हारग जावन 180 रुपया कील जालां. तशेंच बारीक नाल्ल लेगीत बाजारांत 30 रुपया आनी व्हडलो 50 रुपयाक एक विकताले.
सोमारा पणजी बाजारांत मटर 200 रुपया कील आशिल्लो. बीट 60 रुपयांनी म्हारग जावन 120 रुपया कील जाल्लो. गाजर मात फाटल्या सप्तका प्रमाण 120 रुपया कील मेळटालो. कोबी लेगीत 60 रुपया कील आशिल्लो. कांदो 20 रुपयांनी सवाय जावन 60 रुपया कील मेळटालो. वालपापडी सवाय जाल्या आनी 120 रुपया कील मेळटाली. बटाट आनी टमाट फाटल्या सप्तका भशेनूच दरेकी 50 रुपया कील आशिल्ले.
सोमारा पणजी बाजारांत शाकभाजी म्हारगूच आशिल्ली. मेथयेची एक जुडी 30 रुपया, पालक, तांबडी भाजी आनी कांद्याची पात दरेकी 15 रुपया जुडी आशिल्ली. शेपू 25 रुपया जाल्यार कोथमीर 20 रुपयाक एक जुडी आशिल्ली. फ्लॉवराचो एक नग 60 रुपया आशिल्लो. मक्याचीं कणसां 50 रुपयांक तीन मेळटालीं. भेंडो, वांयदें, म्हस्काच्यो शेंगो, कारातीं दरेकी 80 रुपया कील आशिल्लीं. मध्यम आकाराचे लिंबू 20 रुपयांक तीन मेळटाले.
पणजी बाजारांत तवशीं 40 रुपया कील, दुदी 50 रुपया कील, ढब्बू मिरसांग 100 रुपया जाल्यार मिरसांग 120 रुपया कील आशिल्ली. फलोत्पादन मंडळाच्या गाड्यांचेर कांदो 47 रुपया, बटाट 43 रुपया, टमाट 35 रुपया, वालपापडी 54 रुपया, मिरसांग 40 रुपया, भेंडो 50 रुपया, गाजर 89 रुपया जाल्यार कोबी 49 रुपया कील विकताले. फ्लावराचो एक नग 50 रुपयांक मेळटालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
