भांगरभूंय | प्रतिनिधी
भांगरभूंय । प्रतिनिधी
दिवचल : वनस्पती शास्त्रज्ञ डॉ. वामन वर्तक हांणी गोंयांतल्या वनस्पतींच्या गिरेस्तकायेचो अभ्यास करून गोंयांक योगदान दिलां. तांणी ताचेर पुस्तकय बरयलां. डॉ. माधव गाडगीळ आनी डॉ. वामन वर्तक हांणी भारतीय देवराय परंपरेचो शास्त्रीय नदरेन अभ्यास करून नदरेंत भरपा सारकी कामगिरी केल्या. 19 नोव्हेंबर हो डाॅ. वर्तक हाचो जल्मदीस. परिक्रमा समुहा वतीन ते निमतान गोंयभर विवीध कार्यावळी आयोजित केल्यात. तांच्या जल्मशती वर्साची सुरवात पर्यावरण अभ्यासक राजेंद्र केरकार हांचे उपस्थितींत गोंयांतल्या तीन देवरायांक भेट दिवन करतले. हे कार्यावळींत वांटेकार जावंक सोदपी पर्यावरण मोगींनी अमेय किंजवडेकार आनी शुभदा च्यारी हांचे कडेन 87673 91476, 98235 50967.
इत्सुकांनी होंडा- पिसुर्लें जंक्शनाचेर हे कार्यावळी खातीर 19 नोव्हेंबराक दनपरां तीन वरांचेर एकठांय येवचें, अशी विनवणी आयोजकांनी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
