भांगरभूंय | प्रतिनिधी
दुर्घटणेंत 10 भुरग्यांक मरण, 39 भुरग्यांक वाटायले
खबरां संस्था
झांशीः झाशीच्या महाराणी लक्ष्मीबाई सरकारी वैजकी म्हाविद्यालयांतल्या स्पेशल न्यू बॉर्न कॅर युनिटांत शुक्रारा राती भिरांकूळ उजो लागलो. हे दुर्घटणेंत 10 भुरग्यांक मरण आयलें. वॉर्डाचें जनेल फोडून 39 भुरग्यांक बरे भशेन भायर काडलीं. 8 भुरग्यांची खबर उसरां मेळेन मेळूंक नाशिल्ली. शेनवारा सकाळीं तांच्या घरच्यांनी वैजकी म्हाविद्यालयांत वचून बोवाळ केलो.
ही दुर्घटणा शुक्रारा रातच्या 10.30 वरांच्या सुमाराक घडली. ऑक्सिजन कॉन्सन्स्ट्रेटरांत स्पार्कींग जाले उपरांत उजो लागलो आनी ते उपरांत स्फोट जालो. उजो पुराय वॉर्डांत पातळ्ळो. वॉर्ड बॉयान उजो पालोवपा खातीर उजो पालोवपी यंत्राचो वापर केलो, पूण ताची मुजत 4 वर्सां आदींच सोंपिल्ली. ते खातीर तें चालू जावंक ना. म्हायती मेळटाच उजो पालोवपी दळाचे स बंब दाखल जाले. जनेल फोडून उदकाचो फवारो भितर मारलो. उज्यान अदिकूच पेट घेतिल्ल्याचें पळोवन लश्कराक आपयलें. सुमार 2 वरां उपरांत उज्याचेर नियंत्रण मेळ्ळें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
