भांगरभूंय | प्रतिनिधी
फोंडें, प्रतिनिधी ः वेगवेगळ्या सरकारी खात्यानी नोकऱ्यो दिवपाचें हांयस दाखोवन पयशें लुटपाचे प्रकार गोंयांत बरेंत घडल्यात. ह्या प्रकरणांत आतां वेगवेगळीं नांवा मुखार येतात आनी तांकां अटक जाता. फाटले कितलेशेच दीस पुलिसांनी उत्तर आनी दक्षीण गोंयच्या अशा साबार जायत्या जाणांक अटक केल्या. तांची सगल्यांचीच खोलायेन पुराय चवकशी सुरू आसा.
मजगतीं, म्हाड्डोळ पुलीस आनी फोंडें पुलिसांनी दोन वेगवेगळ्या प्रकरणांत अटक केल्ल्या दीपश्री सावंत- गांवस आनी श्रुती प्रभुगांवकार हांकां फोंडें पयलो वर्ग न्यायालयांत हजर केलें. दोनूय प्रकरणांची सुनावणी करुन न्यायालयान दीपश्री सावंत- गांवासाक 14 दिसांची न्यायालयीन कोठी आनी श्रुती प्रभुगांवकार 6 दिसांची पुलीस कोठी दिवपाचो आदेश दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
