भांगरभूंय | प्रतिनिधी
वास्को: सरकारी नोकरी दिवपाचें हांयस दाखोवन एके बायले कडल्यान तीन लाख रुपया घेवन तिची फटवणूक केल्ल्या प्रकरणांत पयलीं सड्यार रावपी आनी सद्या संकवाळे रावपी दीक्षा तवळणेंकार हिचे आड वासको पुलिशेंत कागाळ नोंद जाल्या. दीक्षा हिचे आड कांय तरणाट्यांनी हाचे पयलींच कागाळी केल्ल्यो.
हाचे पयलीं, उमा पाटील आनी तिच्या चल्याक वास्को पुलिसांनी अटक केल्ली. आतां दीक्षा तळवणेंकार हिणें लेगीत सरकारी नोकरी दिवपाचें हांयस दाखेवन पयशे घेवन फटवणूक केल्ल्याचें उक्तडार आयलां. ह्या प्रकरणांत मिना चोडकार हे बायलेन कागाळ केल्या. सरकारी विद्यालयांत नोकरी दिवपा खातीर तळवणेंकार हिचे कडेन 2019 वर्सा तीन लाख रुपया दिल्ले अशें कागाळींत म्हणलां. तळवणेंकारान नोकरीय दिली ना आनी पयशेय दिले नात अशें चोडणकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
